Ayubu 5:19 - BIBLIYA NTAGATIFU OMU MASHI

¹⁹ Kali ndarhu akulikûza omu mababale, n’obwa kali nda, amabî garhacikuhikekwo.

Ayubu 5:19 ပူးပေါင်းရင်းမြစ်များ

Ennanga 34:19

Nyakasane arhabà kuli n’emirhima eri burhè, emirhima ecîyunjuzize yo acungula.

Ennanga 34:20

Amahanya galuga oku muntu mushinganyanya, ci kwône Nyakasane anakaz’imulîkûza kuli go goshi.

Ennanga 66:12

Waleka barhugera oku marhwe, rhwagera omu muliro rhwagera n’omu mîshi, ci wêhe washub’irhuhà obuluhûkiro.

Ennanga 91:15

Ampamagala mmuyumve, akajakw’embaka erhi rhwe naye rhunali, namukulakwozo nnamuhè irenge.

Migani 24:16

Bulyâla kali nda omushinganyanya akulumba anashubizûka, ba-nyankola-maligo bôhe kugwa bagwa omu buhanya.

Migani 6:16

Ebi Nyakasane ashomba biri ndarhu, n’ebi omurhima gwâge gurhabonakwo biri nda:

Izaya 43:2

Erhi wankalambagira omu mîshi, ndi haguma nâwe, enyîshi zirhankakuzîsa. Erhi wankâgera omu muliro, orhankahya, engulumira yâgo erhankakuyôca.

Yeremiya 39:17

“Nâkuciza olwo lusiku, kanwa ka Nyakasane, orhanagwe omu nfune z’abantu bakugezizemwo omusisi”,

Daniyeli 3:17

“Akabà Nyamuzinda wîrhu, olya rhurhumikira, alonzize okurhurhenza muli eyo ndugurhira y’omuliro, anahashirhurhenza n’omu maboko gâwe, yâgirwa mwâmi”.

Daniyeli 6:16

Kandi abôla bantu bashubija omu ihano, banacijà emunda mwâmi ali banacimubwîra mpu: «Omanye yâgirwa mwâmi oku eri liri irhegeko lya Abanya-Mêdi n’Abapersi lirha­nkashubwakwo oku biyêrekîre ecihanzo nîsi erhi irhegeko lya mwâmi».

Daniyeli 6:17

Lêro mwâmi arhegeka mpu bajilêrha Daniyeli banamukwêbe omu bulu­mbà bw’entale. Mwâmi abwîra Daniyeli erhi: «Oyôla Nyamuzinda orhumikira burhahusa, akulikuzagye yênene!»

1 Bakorinti 10:13

Ntà mango musâg’igwârhwa n’amashumi galushire emisî y’omuntu. Akanwa ka Nyamuzinda karhagaluka; arhankaziga mwashumikwa okulushire emisî yinyu. Ci haguma n’amashumi, ammuhà oku mwagafuma n’emisî mwagagalamwo.

2 Bakorinti 1:8

Nanga, bene wîrhu, rhurhalonzizi muhabe amalibuko rhwabwîne omu Aziya, gàrhurhindibuza bwenêne, gàrhalusa emisî yîrhu, ciru rhurhali rhucilangalîre nti rhwabêramwo omûka.

2 Petro 2:9

kuli kuderha oku Nyakasane agwêrhe obuhashe bw’okulîkûza abantu binjà omu malibuko, n’okuleka ababî mpu bayish’ihanwa olusiku lw’olubanja