Ayubu 5:18 - BIBLIYA NTAGATIFU OMU MASHI

¹⁸ Ye oyagaza omuntu abul’imubuka ecibànde, ye obabaza anabul’ifumya n’okuboko kwâge.

Ayubu 5:18 ပူးပေါင်းရင်းမြစ်များ

Ennanga 147:3

Anabuke abagogomîrwe omu murhima, anabuke ebibande byâbo.

Izaya 19:22

Nyakasane âshûrha abanya-Mîsiri; âshûrha anafumye; bâgaluka emunda Nyakasane ali, naye âbayumvirhiza anabafumye.

Izaya 30:26

Obulângale bw’omwêzi bwahinduka nka bulângale bw’izûba, n’obulângale bw’izûba buyûshûke kali nda, nka bulângale bwa nsiku nda, olusiku Nyakasane anarhube ebihulu by’olubaga lwâge anayumye enzigo z’ebibande byâlwo.

Yeremiya 30:17

“Nkolaga nâkubuka, nanfumye ebihulu byâwe, kwo Nyakasane adesire, bulya bakuyîrisire mpu we mushombe-kazi, mpu we Siyoni orhacishîbirirwa na ndi”.

Hozeya 6:1

Yishi rhugaluke emwa Nyamuzinda, Ye warhujaganulaga ye wânarhufumya; Ye wârhushûrhaga, ye wânarhuba ebibande bîrhu.

Ben Levi 14:48

Ci erhi omudâhwa ankabà amashubira muli erya nyumpa akabona kuli cirya cibale ecimanyîso c’okurhaja cayushûka kurhenga banahembulula erya nyumpa, omudâhwa anaderha oku eyôla nyumpa ekola nyinjà, erhacigwêrhikwo ishembo.

Lushika 32:39

Mulolage oku niono, niono ndi ye, n’oku ntà wundi oli Nyamuzinda haguma nâni. Niene nie nyîrha nie nanciza, amango namashûrha, niene nanfumya, (na ntâye wakakûla owundi omu nfune zâni).

1 Samweli 2:6

Nyakasane ye yîrha yena lamya, ye yandagaliza omu kuzimu ye nakûla mwo.