Ayubu 42:12 - BIBLIYA NTAGATIFU OMU MASHI

¹² Nyakasane anacigisha ako kalamo kazinda ka Ayubu kulusha akarhanzi: ashwêka bibuzi bihumbi ikumi na binni, ngamiya bihumbi ndarhu, masô cihumbi ga nkâfu na ndogomi cihumbi.

Ayubu 42:12 ပူးပေါင်းရင်းမြစ်များ

Murhondêro 24:35

Nyamuzinda agishire nnawîrhu; akola àbà mugale, àmuhîre ebintu bishwêkwa, ebinyinyî n’ebinênênè, enfaranga n’amasholo, abambali n’abambalikazi, engamiya n’endogomi.

Murhondêro 32:14

Yakôbo alâla aho obwo budufu. Anacirhôlamwo ebi agend’ihongera mukulu wâge Ezau oku bintu âl’idwîrhe.

Ayubu 1:10

“Ka wamanya mpu orhamubaliraga bulà, wacîzongolosa n’oku ishwa lyâge? Wagisha emikolo yâge yoshi, n’amasò g’ebintu byâge gàyôlolosire omu cihugo”.

Ayubu 1:2

Agwêrhe bâna-nyere basharhu na bâna-rhabana nda.

Ayubu 1:3

Ashwekaga bibuzi bihumbi nda, bihumbi bisharhu bya ngamiya, mahali magana arhanu ga mpanzi, abambali bôhe, kuganja kutuka! Oyo mushamuka, àli wa lukengwa bwenêne omu bantu boshi b’ebushoshôkero bw’izûba.

Ayubu 8:7

Obwôrhere bwâwe burhanzi wabulola nka busha, omu kubona obôloloke bukulinzire.

Ennanga 107:38

Abagisha baluga bwenêne, abahà na bintu birhali binyi.

Migani 10:22

Mugisho gwa Nyakasane gugaza omuntu, emisî yône-yône erhajira cici.

Muhanûzi 7:8

Aha wankabà aha barhondêra akantu wankabà aha kâshwinjwa, omurhima gw’okulinda, gwo mukulu aha bwihâmbi.

Ezekiyeli 36:11

Nâluza muli mwe abantu n’ensimba byaluga bibè mwandu; nâjira mushubiyûbakwamwo n’abantu nk’amango ga mîra, nâna­muha obuhirhi bulushire obu mwâli mugwêrhe aha murhondêro; ntyo mwanamanya oku nie na ndi Nyamubâho.

Lushika 8:16

Ye wakuyikulizagya omu irungu n’amâna, biryo basho barhayishi, kuderha mpu akujire mwîrhohye, mpu arhangikurhangula abulikujirira ebinja wâsima.

1 Timoteyo 6:17

Obwîre abahirhi ba mw’er’igulu barhakâg’icîbona, bamanye bakahira obulangâlire bwâbo omu mahirhi ga nsiku nsungunu, ci bacîkubagire Nyamuzinda, orhugabira ebintu byoshi mpu rhubikolêse.

Yakôbo 5:11

Nêci, kuderha rhubaderha bany’iragi. Balya bacîkanyakanyize. Mwayumvîrhe bakûnga oku Ayubu acîhangânaga, mwâna­bona oluhembo Nyakasane àmuhîre. Bulya Nyakasane abà wa lukogo na wa bwonjo bunji.