Ayubu 40:8 - BIBLIYA NTAGATIFU OMU MASHI

⁸ Ka walonza okugayaguza oku nahizire, onyime olubanja mpu ly’ocîhà lwo?

Ayubu 40:8 ပူးပေါင်းရင်းမြစ်များ

Ayubu 10:3

K’obwînage kuli kwinjà oku kugwârhira ecikalarhu? Okûla kugolongohya obushanja bw’omu nfune zâwe? N’okûla kurhabâla ababisha omu mirali yâbo?

Ayubu 10:7

Wênene omanyire oku ndi mwêru-kwêru, na ntâye wankankûla omu nfune zâwe!

Ayubu 13:18

Nkolaga najà lubanja, erhi nnamanyire oku nyâzize!

Ayubu 16:11

Nyamuzinda anampânyire emw’omuntu mugalu-galu, amandekêrera omu maboko g’abîsi b’abantu.

Ayubu 19:6

muyôrhe mumanyire oku Nyamuzinda yêne wanyanzire obuhashe bwâni, ye wanziririnzire n’akasirha kâge.

Ayubu 32:1

Abo bantu basharhu barhacishûbiriraga bashuza Ayubu bulya àli acîbona mushinganyanya kulusha.

Ayubu 32:2

Lêro oburhè bunene bwanacigwârha Elihu, mwene Barakeli muburhwa w’e Buzi w’omu mulala gwa Rama, akalihira Ayubu bwenêne kulya kubà Ayubu àcikungaga okuyâza Nyamuzinda.

Ayubu 34:17

K’oshomba obushinganyanya anamany’irhegeka? K’anacîshomya mpu atwira Omushinganyanya Ogala-byoshi olubanja?

Ennanga 51:4

Omu lukogo lwâwe lunji, ozâze ecâha câni.

Izaya 14:27

Nka Nyakasane Nyamuzinda w’Emirhwe amârhôla omuhigo, ndi wa­ nkacimurhanga? Nk’amâlambûla okuboko, ndi wankacikugalula?

Izaya 28:18

“Eciragâne cinyu mwe n’olufù cavunwa, n’ecihango cinyu mwe n’okuzimu cirhâsêre. Amango obuhanya bwazûka, bwammuvungunyula”.

Izaya 43:26

Onkengêze, rhujè lubanja rhwembi; orhang’iderha we murhanzi lyo oyâza!

Izaya 45:9

Buhanya bwâge owakadalika n’owamubumbaga, n’obwo hiri hijo omu rhundi rhujo rhw’ebidaka! K’ibumba lyankabwîra omubumbi walyo, erhi: «Bici ebyo wâjira? Omukolo gwâwe gurhagwêrhi kamalo!»

Barom 3:4

Rhuyishi oku Nyamuzinda arhanywerha, ci ngasi muntu kujalira ajalira, nk’oku biyandisirwe, mpu: Ly’oyêra omu binwa byâwe, onayâze abakuheka lubanja.

Bagalasiya 3:15

Bene wîrhu, nkola nasbambâla nka kulya abantu bashambâla. Akanwa kazinda -n’obwo kali kanwa ka muntu kwône- ntâye wankakagalula erhi okukayushulakwo ebindi, casinga kabè kafundike.

Bagalasiya 3:17

Alagi oku ndesire: akanwa kafundikagwa na Nyamuzinda, amarhegeko gayishaga myâka magana anni na makumi asharhu kurhenga ako kanwa, garhankakagalula, garhankanarhenza ago malaganyo.

Bahabraniya 7:18

Ntyo kwo irhegeko lya burhanzi lyàrhenzîbwe, bulya lirhàgwêrhe nsimiko lirhànagwêrhe kamalo.