Ayubu 4:3 - BIBLIYA NTAGATIFU OMU MASHI

³ Kengêra oku wahanwîre bantu banji, amaboko gajogonokirwe wakazigahà ensimikiro;

Ayubu 4:3 ပူးပေါင်းရင်းမြစ်များ

Murhondêro 18:19

Bulya nacîmwishozire nti arhegeke abâna bâge n’enyumpa yâge enyuma zâge mpu balange enjira ya Nyamubâho omu kujira ebishingânîne n’ebilongîre»; na ntyo, Nyamubâho anajirira Abrahamu ebi amulaganyagya.

Ezra 6:22

Nsiku nda zoshi erhi bakuza n’obusîme bunene olusiku lukulu lw’emigati erhalimwo ngezo, bulya Nyamubâho amabasîmîsa erhi abayerekeza omurhima gwa mwâmi w’e Asîriya, mpu abarhabâle muli ogwo mukolo gw’okuyûbaka enyumpa ya Nyamubâho, Nyamuzinda w’Israheli.

Ayubu 16:5

Omu kanwa kâni nali namubwîra; nti muzibuhe, na buzinda ncîhûmbire.

Ayubu 29:11

Owakàg’iyumva anarhangâle, ngasi muntu wahashire okundikira kw’isù anamwêmwêrhwa erhi nie ntuma.

Ayubu 29:15

Nalinkola nie masù g’omuhûrha, na magulu g’ecirema!

Ayubu 29:16

Nie nali îshe w’abakenyi, mufungizi w’ebigolo nakazibaderhera

Ayubu 29:21

Banakaziyumvirhiza ebi naderha erhi bananêmbire buzira kurhama, banahwekêre lyo bayumvîrhiza amahano gâni.

Ayubu 4:4

ihano lyâwe lyakazizibuhya àbalikola bagwâgwâbira, lyakazizibuhya amadwî galikola gakomanya.

Migani 10:21

Akanwa k’entagengwa kanashalûle rubannda, ci abakenyi omu bukenyi banafira. Entagengwa n’omumînya

Migani 15:7

Bumanye akanwa k’omurhimanya kamira, ci omurhima gw’omubwinjà, nanga.

Migani 16:21

Ow’omurhima mwîrhonzi ye baderha murhimanya, n’omutûdu omu binwa ye derha ebyayumvûbwa.

Izaya 35:3

Muzibubye amaboko garhîre enjingo, n’amadwî gadwîrhe gakomanya mugakomeze.

Izaya 50:4

Nyakasane Nyamuzinda ampîre olulimi lw’omushimbûlizi, lyo mpasha okuyegemeza ngasi obengîre. Ngasi sêzi anamparhûle amarhwîri, lyo mpash’iyumvîrhiza nka mushimbûlizi.

Ezekiyeli 13:22

Ebwa kubà munakaz’ilibuza omurhima gw’omushinganyanya erhi bunywesi bwinyu burhuma, n’obwôla niono ntabalibuza, kandi ebwa kubà munakaziha omubî emisî na ntyo arhacihash’irhenge omu mabî gâge, lyo alama,

Sofoniya 3:16

Olusiku luyîruka olu bâbwiramwo Yeruzalemu, mpu: Orhayôbohe, nâwe cishagala ca Siyoni, orhatwîkaga omurhima!

Luka 22:32

ci nakulagîre, obuyêmêre bwâwe burhahimagwa. Nâwe hano ogaluka, orhwalihye bene winyu».

Luka 22:43

Malahika arhenga empingu, amubonekera, anamuzibuhya.

Befezi 4:29

Ntà luderho lubî lurhengage omu kanwa kinyu; mukaderha ebiwa binjà byône, birya byankabà lwingayo lwinjà oku bandi amango gakwânîne, n’okulêrhera ababiyumva akamalo.

Lushika 3:28

Orhegeke Yozwè, omuhè omurhima n’oburhwâli, bulya ye walongôlana olûla lubaga ye wanabahisa mwa cira cihugo walangîra.

Bakolosi 4:6

Iderha linyu libè lya kusîmîsa ensiku zoshi, linunîrire nka munyu, munamany’ishuza ngasi yêshi okukwânîne.

Bahabraniya 12:12

Co cirhumire, mulambûle amaboko ginyu gahozire n’amadwî ginyu gaherhamire,