Ayubu 38:23 - BIBLIYA NTAGATIFU OMU MASHI

²³ Zo nguli mbà mbikire amango g’amalibuko, amango g’ensiku z’akadali n’ez’entambala.

Ayubu 38:23 ပူးပေါင်းရင်းမြစ်များ

Ayubu 36:13

Ci ab’emirhima mizibu, balya bakaziyôrha bali omu burhè, barhankamanya bayâkûza amango amabashwêka.

Ayubu 36:31

Kwa bene okwo kw’aluza mw’abantu, n’okuhâna ebiryo mwandu.

Ayubu 38:22

K’okola ohisire aha olubula lubîkwa, aha enguli zâlwo zibêra, k’okola ohahisire?

Ayubu 38:24

Njira ehi obulangashane bulumiramwo omu igulu, Ngahi empûsi y’ebuzûka-zûba elumîra omu igulu?

Lubungo 9:18

Irhondo nka gano mango gonênè naniesa olubula, ludârhi bwenêne, lulya lurhasâg’ibonekana omu Mîsiri kurhenga olusiku àyûbakagwa kuhika buno.

Lubungo 9:24

Olubula, emilazô eyunjwîre lubula: byàbà bidârhi bwenêne kulya ecihugo c’e Mîsiri cirhâlisag’ibona bundi kurhenga ciri ishanja.

Izaya 30:30

Nyakasane âyumvîsa izù lyâge ly’irenge, anayêrekane obuzirho bw’okuboko kwâge, omu bukunizi bunene n’omu ngulumira y’omuliro, omu milazô, omu nkuba y’ecihûsi n’ey’olubula.

Mateyo 7:27

“Erhi enkuba ecinia, n’enyîshi n’empûsi biciyisha, byacîhonda kuli erya nyumpa yacîhongokera. Lêro obuhanya bwajà oku bundi!”»

Yozwe 10:11

Ago mango balibirhaga omu kuyâka bene Israheli, erhi bahika oku mwandagalo gwa Beti-Horoni, Nyakasane abarhibulirakwo amabuye manene kurhenga e malunga, ago mabuye gabarhogerakwo kuhika aha Azeka, bahungumuka, abafîre n’ago mabuye g’olubula balushire abayîsirwe n’engôrho ya bene Israheli.

Mafulûlo 16:21

Olubula lunênênè, luzirho nka mabuye, lwamanuka emalunga, lwarhogera oku bantu. Abantu banacigwîra balogorhera Nyamuzinda erhi obwo buhanya bw’olubula burhuma, mpu obwo buhanya bwamâluga okulushire.