Ayubu 35:5 - BIBLIYA NTAGATIFU OMU MASHI

⁵ Galamira emalunga ocîbonere, Lolà kurhi ebitù biri kulî na nâwe!

Ayubu 35:5 ပူးပေါင်းရင်းမြစ်များ

Murhondêro 15:5

Oku bundi amujâna embuga amubwîra, erhi: «Galamira emalunga, oganje enyenyêzi z’emalunga nk’oku onahashire», anacimubwîra, erhi: «Kwo iburha lyâwe lyabà ntyo».

1 Bâm 8:27

“Cikwônene ka kwo binali Nyamuzinda ho anabà hanôla igulu? Ci lolà okw’igulu lirhankabona aha lya muhira: kurhigi byankabà lyôhe mw’eno nyumpa namâyûbaka!”

Ayubu 11:7

K’ocîhâmbîre okusâgarha amahwe ga Nyamuzinda akutumuzize, n’okuyumva bwinjinjà obwimâna bwa Nyamuzinda?

Ayubu 11:8

Kàli bwo bûli kulusha amalunga, ojirage kurhi obwo? Kàli bwo bûli kulusha okuzimu, omanyâge bici obwo?

Ayubu 22:12

Nyamuzinda k’arhali omu malunga acîbêra? Lolà irhwêrhwè ly’enyenyêzi, oku liri emalunga wâni!

Ayubu 35:4

Lêro niene nkolaga nakushuza, nshuze n’abîra bâwe caligumiza,

Ayubu 36:26

Nêci Nyamuzinda ali mukulu, alushire obumanye bwîrhu, omubalè gw’emyâka yâge gurhankaheka!

Ayubu 37:16

K’oyishi kurhi ajira ly’ebitù birhagirhogera oku idaho, cisômerîne c’obukengêre bwâge bunji;

Izaya 55:8

Bulya enkengêro zâni zirhali zo nkengêro zinyu, n’enjira zâni zirhali zo njira zinyu, kwo adesire Nyakasane

Izaya 55:9

Nka kula amalunga gali kulî enyanya ly’igulu, kwo enjira zâni ziri kulî n’enjira zinyu, kwo n’enkengêro zâni ziri kulî enyanya ly’enkengêro zinyu.

Nahumu 1:3

Nyamubâho arhabà burhè duba, ci kwônene arhahimwa budârhi, Nyamuzinda arhankaleka okuhana endyâlya eyâzire. Analambagire omu mpûsi n’omu mulaba, n’omu cihonzi, ebitù, ko katulo enshando zâge zibalaza.

1 Samweli 16:7

Nyamubâho abwîra Samweli, erhi: «Orhashimbaga iranga n’ecirhuluko, nyegwire oyo bulya arhali oku omuntu abona kwo Nyamuzinda abona. Omuntu abona iranga, ci Nyamubâho yêhe murhima abona.»