Ayubu 33:6 - BIBLIYA NTAGATIFU OMU MASHI

⁶ Lolà oku ndi akâwe, ntali Nyamuzinda, nâni nalemagwa omu budaka akâwe.

Ayubu 33:6 ပူးပေါင်းရင်းမြစ်များ

Murhondêro 2:7

Nyakasane Nyamuzinda abumba omuntu n’akatulo k’oku idaho, amubûhira omûka gw’obuzîne omu mazûlu, ntyo nyamutu ahinduka ciremwa cizîne.

Murhondêro 3:19

Kurhûbanukirwa emalanga okola wakâbonamwo omugati (biryo): kuhika oshubire omu budaka bulya mwo warhengaga. Oli katulo n’omu katulo wânashubire!».

Murhondêro 30:2

Yakôbo akalihira Rasheli bwenêne, amubwîra, erhi: «Ka nie ndigi ahâli ha Nyamuzinda wakuyimaga iburha?»

Ayubu 10:9

Kengêra oku wêne wambumbaga kula babûmba ibûmba, ko wânânanshubize omu katulo.

Ayubu 13:12

Emigani yinyu mukulûkulù, ebà mihigo y’omu katulo, n’okufûngira omuntu kwinyu, kunali nk’ibûmba lyâlangala.

Ayubu 13:3

Ci kwône Nyamuzinda ye nâganîza Ngwêrhe binwa byâni nka binga nâbwîra Nyamuzinda.

Ayubu 20:22

Oku aciri ajêjêrhwa n’ebirugu, arhemuke n’omusisi, emihimbagulizo y’obuhanya emurhogerekwo

Ayubu 31:35

Yoo! Lêro ndi wankarhuma banyumva? Nadesire akanwa kâni kazinda: Nyamuzinda Ogala-byoshi anyagîrize! Olya onshìmbire aderhage ecitumulo c’amabî gâni.

Ayubu 4:19

Ntà buderhe oku bantu bayûbaka muli eri ibumba, abà eciriba câbo cibà cihûmbe omu katulo? Anabasinogole nka nsîrhu;

Lubungo 4:16

“Ye wakazishambâza olubaga ahâli hâwe, ye wabà kanwa kâwe, nâwe obè nka Nyamuzinda wâge”.

2 Bakorinti 4:7

Ci kwônene obwo buhirhi omu mibiri y’obudaka rhubugwâsize, lyo bamanya oku obuhashe butyo kuli Nyamuzinda burhenga, ci arhali kuli rhwe.

2 Bakorinti 5:1

Rhumanyire oku erhi eci cihando rhubâmwo hano igulu cankashabûka, rhugwêrhe enyumpa yayûbakagwa na Nyamuzinda, mûbako gw’ensiku n’amango gurhàjiragwa na nfune za muntu, gunali omu irunga.

2 Bakorinti 5:20

Ntyo rhuli bajà-bugo ba kîrhu. Oku izîno lya Kristu, rhummuhûnyire, mwe mukasinga; shubiri omu bwîra bwa Nnâmahanga!