Ayubu 33:27 - BIBLIYA NTAGATIFU OMU MASHI

²⁷ Omuntu anaj’ayîmba embere z’abandi bantu, erhi: «Nalinjizire okubî, nalimbuzire obushinganyanya, Yêhe arhangaluliraga nk’oku obubî bwâni bwalishingânîne».

Ayubu 33:27 ပူးပေါင်းရင်းမြစ်များ

Murhondêro 16:13

Hagari ayîrika Nyamubâho wamubonekeraga eri izîno: erhi: «we El Royi», kwo kuderha «We Nyamuzinda Obona», bulya gwârhi yêne, «Ka ye nshubir’ibona aha olya odwîrhe ambona?»

2 Samweli 12:13

Daudi abwîra Natani, erhi: «Najirîre Nyakasane ecâha!» Naye Natani abwîra Daudi, erhi: «Oku bwâge, Nyakasane akubabalire ecâha câwe, orhacife.

2 Nganîro 16:9

“Bulya amasù ga Nyamubâho ganajè gazungula igulu lyoshi omu kurhabâla ngasi boshi banahizire omurhima gwâbo loshi kuli ye. Wajizire nka musirhe muli okwôla, kurhenga ene okolaga wakaziyôrha oli kwo amatabâro”».

Ayubu 34:32

akabà nahabire, ombabalire, akabà nabuzire obushinganyanya, ntakacishubirira»

Ayubu 34:9

Karhali yêne waderhaga, erhi: «Bici kukwânana omuntu, omu kujira ebi alonzize, omu bwâmi bwa Nyamuzinda».

Ayubu 7:20

Akabâga câha najizire kurhi nakujizire w’oyo, w’ejà abantu bulâbi? Càrhumire wantindibuza ntyâla n’empìmbo zâwe, ciru mbone nkola nkuzidohîre?

Ennanga 103:10

Arharhujirira kungana ebyâha bîrhu, arhanarhulyûza kungana obubî bwîrhu.

Ennanga 11:4

Nnâmahanga omu ka-Nyamuzinda kâge katagatîfu, Nyakasane oku ntebe yâge y’obwâmi omu malunga; amasù gâge gadwîrhe galolêreza igulu, engohe zâge zidwîrhe zasinza abâna b’abantu.

Ennanga 119:128

Co cinarhuma ncîshoga enjira y’amarhegeko gâwe, nnanshomba ngasi njira y’obulyâlya.

Ennanga 14:2

Kurhenga emalunga Nyakasane adwîrhe asinza bene-Adamu, mpu alole erhi bankacibonekanamwo ogwêrhe obukengêre, ocidwîrhe alonza Nyamuzinda.

Migani 15:3

Ngasi hoshi amasù ga Nyakasane gali, gali ebulâbi bw’abinja n’ababî.

Migani 28:13

Omuntu ofulika amabî gâge kuyabirwa anayabirwa, ci omuntu ocîshobeka akanagaleka kubabalirwa anababalirwa,

Migani 5:21

Omanye oku amasù ga Nyakasane kubona gabona omuntu, kulolêreza galolêreza igênda lyâge.

Muhanûzi 5:8

Bakubwîre mpu binjà bya lubaga birhumire, na mpu mwâmi balwîra.

Yeremiya 2:8

Abadâhwa barhaderhaga, mpu: Nyakasane ngahi ali? Abalenga b’amarhegeko bampabire, balungere bangomîre, abalêbi balêbire oku izîno lya Baali, bakulikira engonyi.

Yeremiya 23:24

K’omuntu akacîfulika ahantu habishe mbule bwamubona? Kanwa ka Nyakasane. Ka ntabumbiri empingu n’igulu niono? Kanwa ka Nyakasane.

Yeremiya 3:13

Oyêmêre kwône obubî bwâwe: wagomîre Nyakasane Nyamuzinda wâwe, wahulahulîre emunda ab’embuga bâli, n’izù lyâni orhaliyumvirhizagya ye kudesire Nyamubâho

Ezekiyeli 14:23

“Abôla bantu banakurhûliriza, nka wamânabona olugendo lwâbo n’ebijiro byâbo, na kandi okanamanya oku arhali busha najiriraga Yeruzalemu okwôla koshi namujirîre, kwo adesire Nyakasane Nyamubâho”».

Mibalè 12:11

Aroni anacibwîra Mûsa, erhi: «Mâshi Yâgirwa, nnawîrhu, omanye wankarhubarhuza ecîra câha rhwâjiraga omu kuhalanjika, rhunakwânîne n’obuhane bwâco.

Mateyo 16:26

Bici kwankakwânana omuntu okubà mwâmi w’igulu lyoshi erhi a­nkaheza omûka gwâge?

Luka 18:13

“Olya muvurhîsa yêhe aj’icîbêrera erhali hôfi, arhanaderhaga ciru mpu agalamire enyanya, ci akacîkomamba ecifuba, erhi”: “Yâgirwa Nnâmahanga, onfè bwonjo nie munya-byâha!”

Barom 6:21

Bunguke buci mwabwînage obwo? Buno enshonyi zimmubambisire, bulya obuzinda bw’ebyo byoshi lubà lufù.

Barom 7:16

Akabâga ebi ntalonza okujira byo njira, kuziga nyêmîre oku irhegeko liri linjà.

Barom 7:22

Nêci, nnanyumve nsîmire amarhegeko ga Nnâmahanga omu murhima gwâni;