Ayubu 31:28 - BIBLIYA NTAGATIFU OMU MASHI

²⁸ Kandi bwankabîre buhanya bwa câha, bulya erhi namâhakana Nyamuzinda mukulu bwenêne.

Ayubu 31:28 ပူးပေါင်းရင်းမြစ်များ

Murhondêro 18:25

Nanga orhankajira ntyo! Okuherêrekeza omushinganyanya haguma n’enkola-maligo, okugeza omushinganyanya cikembe ciguma n’omunyabyâha. Nanga ntà mango. K’omutwî w’emmanja w’igulu lyoshi arhakacitwa mmanja?»

2 Samweli 3:32

Abneri, bamubisha aha Hebroni. Mwâmi alaka alakûla n’izù linene aha cûsho ca Abneri kuguma n’olubaga loshi.

Ayubu 23:7

Ahôla, mushinganyanya wajà kadali boshi naye: casinga antege oyo wanjisa lubanja!

Ayubu 31:11

Buhanya bwankarhuma mpâbwa obuhane, n’owantwira olubanja, bulya ebyo byoshi kunali kuhemuka omu bubî.

Ayubu 31:27

K’omurhima gwâni omu lwihwêko lw’entimanya, gwashumikwa mpu guhire okuboko oku kanwa gubinûnugurhe?

Ayubu 9:15

Ciru ankabîre nyâzize, ntankashuzize, kuyinjibana nankamuyinjibina erhi kwo; bulya ye wantwîra olubanja.

Ennanga 50:6

Amalunga gamanyîsa oku olubanja bwinjà lutûbirwe: bulyâla Nyamuzinda yêne olutwire.

Migani 30:9

Kuderha nti nakayigurha obone namâkuhaba, obone nkola naderha nti: Nyamuzinda ye ndi oyo! nîsi erhi nshalike obone nkola nazimba, obone namâhemukira izîno lya Nyamubâho.

Izaya 59:13

Rhwalenganyize, rhwagomire Nyakasane, rhwayêrekîze Nyamuzinda wîrhu omugongo. Rhwagwîra okukaderha eby’okushâba n’eby’obugoma, okukâhiga n’okukâlalira eby’obunywesi omu murhima.

Lushika 17:9

ogendilonza abadâhwa baleviti n’omutwî w’emmanja oli omu mukolo ago mango. Wanadôkereza banakumanyîse kurhi batwîre olubanja.

Tito 1:16

Banakâderha mpu bayishi Nnâmahanga, ci erhi banadwîrhe bamuhakana omu bijiro byâbo; abantu ba bene abo bali mihera, bagomi, na ntà kwinjà kuci bankacihash’ijira.

Bahabraniya 12:23

mwayegîre ecinyabuguma c’enfula ziyandisirwe omu mpingu; mwayegîre Nyamuzinda, mutwî w’emmanja z’abantu boshi, n’emyûka y’abashinganyanya bàhisire oku bwimâna;

Yozwe 24:23

Anacibabwîra, erhi: «Mukûlage ba-nyamuzinda b’ahandi bali buno omu karhî kinyu, n’emirhima yinyu muyiyêrekeze Nyakasane, Nyamuzinda w’Israheli».

Yozwe 24:27

Yozwè anacibwîra olubaga loshi, erhi: «Loli, eri ibuye kabêshûza kuli rhwe, bulya mwayumvîrhe ebinwa bya Nyakasane anarhubwîraga; lyabà kabêshûza kuli mwe, lyo mulekishubihakana Nyamuzinda winyu».

2 Petro 2:1

Ci kwônene hali n’abalêbi b’obwîhabe omu lubaga, nk’oku n’omu kâgarhî kinyu hayish’ibà abîgîriza b’obunywesi, balêrhe emilala mibî, bahakane ciru Nnahamwâbo wabacungulaga, na ntyo barhakalegam’icîlêrhera bône obuhanya.

1 Yowane 2:23

Ngasi yêshi ohakanyire Omugala, erhi arhagwêrhi n’Îshe; ohamîriza Omugala, erhi agwêrhe n’Îshe.

Yûda 1:4

Bulya hali abantu bammushesherîremwo bufunda-funda; balya batwîrîrwe olubanja kurhenga mîra: eyo mihera ekahindula engalo ya Nyamuzinda wîrhu eyijire masîma ga mubiri, ekâhakana Nnâhamwîrhu muguma yêne na Nyakasane Yezu Kristu.

Bacîranuzi 11:27

Oku bwâni ntà bubî nakujirîre, ci wêhe wamajira kubî emunda ndi ene oderha mpu okola wa­ ntulakwo entambala. Nyakasane yênene atwâge olwo lubanja ekarhî ka bene Israheli n’ekarhî ka bene Amoni».