Ayubu 31:17 - BIBLIYA NTAGATIFU OMU MASHI

¹⁷ Ka nalîre olwîko lwâni nienene, buzira kulugabâna n’enfûzi?

Ayubu 31:17 ပူးပေါင်းရင်းမြစ်များ

Nehemiya 8:10

Ezra anacibabwîra, mpu: «Mugendage muj’irya enyama zishushagîre, munywe n’amamvu garhali makali, munahêkerekwo n’olya orhagwêrhi ecihimbi, bulya olu lusiku luli lutagatîfu emwa Nyamuzinda Nnawîrhu, murhabâga burhè bulya obushagaluke bwa Nyamuzinda bwo bugale bwinyu».

Esteri 2:7

Akazâg’ilêra hinyere higuma izîno lyahyo hyo hyàli hi Hadasa nîsi erhi Esteri, hyàli hya mwishè, hyàli hyananyere hya nfuzi, hirhacijiraga îshe na nina, Cikwônene hyajiraga iranga linjà n’ebirumbu bisogorosire bwinjà, hyanali hinjinja. Erhi ababusi bâge bafà boshi, Mardokeyo ahihêka emwâge akahilera nka mwâli wâge w’omunda yâge yênene.

Ayubu 22:7

Orhakag’ihana amîshi gw’okunywa oku muntu orhamire, n’omuntu oshalisire wakaz’imuyîma eci ankalya.

Ayubu 31:18

N’obwo kurhenga eburhò, Nyamuzinda àkagindera nka lârhà, akazinshokolana kurhenga aha cânjo.

Ayubu 31:21

Ka nkola nnambwîre okuboko nti nkômole mw’akantu k’enfûzi? Bulya mmanyire ntâye wankantângira oku lumvi?

Ezekiyeli 18:16

arhâkazilibuza ndi, arhâkazilya ecikinja, arhâkazizimbè, ânakazihana omugati gwâge oku mushalye, ânakaziyambika oli bushugunu omushangi;

Ezekiyeli 18:7

arhalibuza ndi, agalula ngasi ehi alîre cikinja, arhazimba, ashalûla omushalye, ayambika oli bushugunu,

Luka 11:41

“Muhêreze abakenyi ebi mugwêrhe erhikwo, na ntyo byoshi byammubêra bicêse”.

Yowane 13:29

Bulya Yûda ye wakâg’ibîka oluhago, banji bacîkebwa mpu Yezu alonzagya okumubwîra, erhi: «Gula ebirhukwânîne oku lusiku lukulu», nîsi erhi amurhegekaga mpu ahè abakenyi akantu.

Ebijiro 4:32

Omurhima gw’olubaga lw’abemêzi gwàli muguma n’enkengêro zâbo zàli nguma. Ntâye wakâg’iderha ehi agwêrhe mpu hyâge, ci ngasi byoshi hyàli hya boshi.

Barom 12:13

Mukârhabâla abatagatîfu omu bulangâlire bwâbo, mukâhandîsa ebigolo.

Lushika 15:11

Ntà mango abakenyi bâbule mw’eci cihugo, bw’obûla nkuhîre eri irhegeko: enfune zâwe ozibumbûlire mwene winyu ozibumbûlire oli buligo n’omukenyi oli omu cihugo câwe.

Lushika 15:14

Onamubarhuze, ashobole oku bintu byâwe binyinyi, oku by’omu cibuga câwe n’oku by’omu mukenzi gwâwe; omuhè nk’oku Nyamubâho, Nyamuzinda wâwe okugishire.

Yakôbo 1:27

Idini licîre lirhanalikwo ibala omu masù ga Larha Nyamuzinda, muliyumvagye: okukarhandûla enfûzi n’abakana omu malibuko gâbo, n’okucîlanga buzira izâbyo en’igulu.

1 Yowane 3:17

Owabà agwêrhe ebirugu by’en’igulu, erhi ankabona mwene wâbo omu bulagîrire, akabula bumufa lukogo, kurhi obuzigire bwa Nyamuzinda bwankabêra muli oyo muntu?