Ayubu 3:23 - BIBLIYA NTAGATIFU OMU MASHI

²³ Cankarhuma eyo ngalo bayihà omuntu arhanacimanyiri olunda ayêrekîre, oyu Nyamuzinda agosire.

Ayubu 3:23 ပူးပေါင်းရင်းမြစ်များ

Ayubu 12:14

Oyu amâshâbira, ntâye wankamuyûbakira, oyu amâshwêka, ntâye wankacimushwêkûla.

Ayubu 13:27

We wampizire amagulu omu byûma, we genda wansholera, ojè wasingiriza ngasi aha nagezize olushândo!

Ayubu 19:12

Engabo zâge zamâyisha zoshi caligumiza, zamâtwa enjira kuhika emunda ndi, zamâtwa ecihando ebwa nyumpa yâni.

Ayubu 19:6

muyôrhe mumanyire oku Nyamuzinda yêne wanyanzire obuhashe bwâni, ye wanziririnzire n’akasirha kâge.

Ayubu 19:8

Anahizire omu njira yâni ecikûnguzo ntankahama, omukâba gwâni anaguyunjuzize mwizimya.

Ayubu 3:22

Abàkacishinzire bacibonaga obudaka bw’enshinda, bakahamira omu lyânya bacihikaga omu cûsho.

Ennanga 31:8

Nkolaga nasâma ncîtakîre obwonjo bwâwe, bulya walolêrîze obuligo bwâni.

Ennanga 88:8

Omutula gukugwêrhe gunzidohire nka muzigo, n’omuhûsi gw’enyîshi zâwe gwanshangwîre.

Ennanga 88:9

Abanyishi wabampambwîrekwo, wanjizire nyamakobwa emunda bali mpamikirwe: ntabona bwahuluka.

Izaya 40:27

Cirhumaga ocija waderha, wâni Yakôbo, cirhumaga ocîkebwa, wâni Israheli, mpu: «Enjira yâni eri nfulike embere za Nyakasane, olubanja lwâni lurhankamanyibwa na Nyamuzinda wâni?»

Ndûlù 3:7

Anjirîre ecisikirizo mpu cimpanze okurhengamwo, anziriringa n’obudagulè.

Ndûlù 3:9

Anfukîre enjira n’amabuye magôye, enjira zâni aziyêrekeza ebwa kuhabuka.

Hozeya 2:6

N’abâna bâge ntacibalonza bulya bali ba bubaraga.