Ayubu 29:13 - BIBLIYA NTAGATIFU OMU MASHI

¹³ Obwânga bw’abâli omu kâga k’okufà, bwàkâg’ijà emunda ndi, nanakagishubiza obushagaluke omu murhima gw’omukana.

Ayubu 29:13 ပူးပေါင်းရင်းမြစ်များ

Ayubu 22:9

Wàkazâg’igalula abakana maboko mûmu wanakazivuna amaboko g’enfûzi.

Ennanga 67:4

Igulu lyoshi likukuze linakuvuge omunkwa, Yâgirwa Nnâmahanga; igulu lyoshi likukuze linakuvuge omunkwa.

Migani 11:26

Oyôrhana engano yâge kubehêrerwa ahehêrerwa n’olubaga, ci omuntu oguliza abandi engano kusîmwa asîmwa.

Izaya 27:13

Olwo lusiku, omu mushekera munene, na balya bâli baherîre omu cihugo c'Asîriya n’abàli bashandabîne omu cihugo c’e Mîsiri bâyîsha, bâkaz’iharâmya Nyakasane oku ntondo yâge ntagatîfu y’e Yeruzalemu.

Izaya 65:14

Alà oku abarhumisi bâni bâkaz’ibanda empundu z’omwîshingo n’obusîme omu murhima oku mw’oyo mwâbanda endûlù z’entanya omu murhima, na ntyo mulake munatwîke omurhima!

Lushika 16:11

Ocîsîmîse omu masù ga Nyamubâho, Nyamuzinda wâwe halya hantu Nyamubâho, Nyamuzinda wâwe àcîshozire mpu yo ndâro y’izîno lyâge, ho wâcîsimikiza mwe na mugala wâwe na mwâli wâwe, mwambali wâwe na mwambalikazi wâwe, omuleviti ôli omu lugo lwâwe, kuguma n’ecigolo, enfunzi n’omukana, oku banali ekarhî kâwe.

Lushika 24:13

onamugalulireco izûba lizika lyo naye agwîshira omu cirondo câge anakugishe; bwanabà bushinganyanya kuli we omu masù ga Nyamubâho, Nyamuzinda wâwe.

Lushika 26:5

Nâwe wanaderha ebi binwa embere za Nyamubâho, Nyamuzinda wâwe, erhi: «Larha ali Muharameya, ayishaga abunga, abungulukira e Mîsiri, abêrayo nka cigolo ye na bantu basungunu, lwahindukirayo lubaga lunene, luzibu na lunji.

Filemoni 1:7

Nêci okuli, mwene wîrhu, nsîmire bwenêne nanayumva oburhûlirize erhi buzigire bwâwe burhuma, bulya warhulirîze emirhima y’abatagatîfu.

RUTI 2:20

Noemi anacibwîra omwâlikazi, erhi: «Agishwe na Nyamubâho ye orhahusa okubà mwinjà oku bazîne n’abafîre!» Noemi anacimubwîra erhi: «Oyo mulume ali mwene wîrhu, ali muguma w’omu bagwêrhe obuhashe kuli rhwe bw’okurhucungula.»