Ayubu 28:26 - BIBLIYA NTAGATIFU OMU MASHI

²⁶ Amango àjiriraga enkuba amarhegeko, n’okuyêreka omukûngulo emunda gwajà,

Ayubu 28:26 ပူးပေါင်းရင်းမြစ်များ

Ayubu 28:27

Go mango àbubonaga anabumanyîsa, abumanyirira kuhika omu ndalâlà.

Ayubu 36:26

Nêci Nyamuzinda ali mukulu, alushire obumanye bwîrhu, omubalè gw’emyâka yâge gurhankaheka!

Ayubu 36:27

Ye nyihya emirhônyi y’amîshi, ayijire ebè nkuba, cihonzi cinene.

Ayubu 36:29

Ndi wankahash’imanya kurhi ebitù bigenda, ndi wankamanya emikungulo y’omu mwâge?

Ayubu 36:32

Anafumbarhe omulazo omu nfune zâge, anagubwîre eci gwakola.

Ayubu 37:11

Anahire omûka omu bitù, n’ebitù bihire emilazô eyi n’eyi.

Ayubu 37:2

Yumvi, yumvi okushakânya’kw’izù lyâge emikungulo yamurhenga omu kanwa

Ayubu 37:3

Yamânarhulukâna omu malunga mwoshi, n’emilazô yâge yamâlagiza kuhika ah’igulu lihekera.

Ayubu 37:4

Enyuma zâge izù lyakungula bwenêne, bulya izù linene lya Nyamuzinda lyakungula. Arhankanayimanza emilazô yâge amango izù lyâge lidwîrhe lyakungula.

Ayubu 37:6

Anabwîre enkuba y’olubula, erhi: «Rhogera oku idaho» n’enkuba y’ecihônzi ayibwîre, erhi: «Rhoga n’obuzibu bunene»

Ayubu 38:25

Indi ojira emibûnda y’emigezi, n’enjira y’ebitù amango enkuba yakûngula?

Ayubu 38:26

Aniese ntyo enkuba omu cihugo cirhalimwo ndi, n’omu irungu omurhabà muntu?

Ayubu 38:27

N’erhi enia ntyo, ahantu hali bwâmwa hanayumûsire, ehadômerere, emeze ho ebyâsi bibishi.

Ennanga 135:7

Ye rhenza ebitù kurhenga enyuma z’ebihugo, ahindule emilazô eshube nkuba, n’empûsi ayishâze aha yali ecifulisire.

Ennanga 148:8

Omuliro, olubula n’olwikungu na ba-kalemêra, barhahumba irhegeko lya Nyamuzinda.

Migani 8:22

Nyakasane àli angwêrhe emurhondêro gw’emikolo yâge, embere ajire emikolo yâge mirhanzi-rhanzi.

Yeremiya 14:22

K’omu bikabulirwa by’amashanja hali eciniêsa enkuba? Ka malunga garhuma enkuba yania? K’arhali we, Yâgirwa Nyamuzinda wîrhu? We rhucîkubagira bulya wekola ebyo byoshi.

Amosi 4:7

Nammuyîmire enkuba erhi kucisigire myêzi isharhu musarûle, naniêsa e­nkuba oku lugo naleka n’olundi, ishwa lirebe lyaniamwo enkuba, na lirebe lyàyûma lirya ntayiniêsagyamwo.

Zakariya 10:1

Hûni Nyakasane enkuba amango g’empondo nzindazinda: Kali ye wajiraga emilazô ye nalêrha enkuba: ammuhà enkuba nyinji anana­ze ishwa lya ngasi muguma muli mwe.