Ayubu 27:9 - BIBLIYA NTAGATIFU OMU MASHI

⁹ Ka Nyamuzinda ayumva omulenge gwâge, hano obuhanya bumuyishira?

Ayubu 27:9 ပူးပေါင်းရင်းမြစ်များ

Ennanga 109:7

Irhondo âkaja lubanja, lurhahambûlaga, n’okusamba kwâge kushube kuyâga.

Ennanga 18:41

Abashombanyi bâni wabayandûkakwo, bàmpindulira omugongo; abanzi bâni nabaherêrekeza

Ennanga 18:42

Banacihamagala, ci barhabonaga owankabaciza; bàyâkûza Nyakasane, àrhabashuzagya!

Ennanga 66:18

Omurhima gwâni nka gwàli gwa ndyâlya, Nyakasane arhàkanyumvîrhîze.

Migani 1:27

Hano entemu emurhibukira nka nkuba ya cihonzi, hano obuhanya bwinyu buyisha nka mpûsi ya kalemêra, amango ebidârhi, n’ebihamba byâmurhibukira.

Migani 1:28

Ago mango bâmpamagala ci ntadumizè, bânnonza barhânambonè.

Migani 28:9

Omuntu ocîfuka amarhwîri mpu bankanamukengêza amarhegeko omusengero gwâge gurhahika.

Izaya 1:15

“Mukalambûla amaboko, nnambwîkire obusù bwâni ndek’ibona; ciru mwankayûshûla emisengero, niono ntayiyumvîrhiza: bulya amaboko ginyu gayunjwîre mukò”.

Yeremiya 11:11

Co cirhumirage, Yekudesire Nyakasane, lâba oku nkola nabarhumira obuhanya barhafume, bakanyâkûza, ntabashuze.

Yeremiya 14:12

Ciru bakacîshalisa, ntayumvîrhize omusengero gwâbo, ciru bakarhûla embâgwa n’enterekêro, ntakabiyêmêra. Bulyâla nnonzize okubahungumula n’engôrho, n’ishali n’ecahira.»

Ezekiyeli 8:18

Nâni nkolaga nâbajirira ebya bukali, ntababalire, ntanabêre bwonjo. Bâyâkûliza bwenêne omu marhwiri gâni ntanabayunvirhize».

Hozeya 7:14

Barhalaka n’omurhima gwoshi emunda ndi, amango bayâmira aha ba­gweshîre; balakira engano n’amamvu mahyâhya gône, ci kuli nie, bwabiranyi bwône.

Mikeyo 3:4

“Lusiku luguma bâhamagala Nyakasane, ci kwône arhâbashuze. Olwo lusiku abafulike amalanga gâge erhi bibî bàjizire birhuma”».

Zakariya 7:13

«Bulya barhàlonzagya okuyumva amango nabahamagalaga nti bayumve nâni nakaz’ilahira okubashuza amango bàkâg’impamagala mpu mbarhabâle.

Luka 13:25

“Amango nnanyumpa abà amayimuka amânahamika olumvi, ninyu mwamayôrha e­mbuga, murhondêra mwakomamba, mpu”: “Mâshi Waliha, orhuyigulire nîrhu”, ayish’immushuza, erhi: “Ntishi muli ba ngahi”.

Yowane 9:31

Rhuyishi oku Nyamuzinda arhayumvîrhiza banya­-byâha, ci omuntu omurhumikira n’ojira oku alonza ye ayumvîrhiza.

Lushika 1:45

Mwayisha mwajongunja, mwalakira embere za Nyamubâho, cikwône arhashîbiriraga omulenge gwinyu, arhamurhegaga okurhwiri.

Yakôbo 4:3

Mukahûna murhahâbwa, bulya munahûne kubî, mpu mubone ebi mwagula amasîma mabî.