Ayubu 27:7 - BIBLIYA NTAGATIFU OMU MASHI

⁷ Omushombanyi wâni àjirîrwe kula banajirira omwîsi, n’omwanzi wâni nka muntu, orhajira bushinganyanya!

Ayubu 27:7 ပူးပေါင်းရင်းမြစ်များ

2 Samweli 18:32

Mwâmi anacidôsa olya munya-Kushi, erhi: «Ka guligi murhûla kuli mugala wâni Absalomu?» Olya munya-Kushi anacishuza, erhi: «Mâshi boshi bakahera aka oyôla mwâna, abashombanyi ba Nnawîrhu mwâmi na ngasi boshi bacîshomya okukujirira amabî!»

Ayubu 27:6

Narhondîre okucîyûmânyanya ntanakuleke, omurhima gwâni gurhankabona nshonyi ciru n’oku lusiku luguma lw’akalamo kâni.

Ayubu 27:8

Bulya ngahi buligi obulangâlire bw’omuntu mugalugalu? Hano Nyamuzinda amuhenangula, hano amunyaga omûka gwâge?

Ayubu 31:35

Yoo! Lêro ndi wankarhuma banyumva? Nadesire akanwa kâni kazinda: Nyamuzinda Ogala-byoshi anyagîrize! Olya onshìmbire aderhage ecitumulo c’amabî gâni.

Daniyeli 4:19

“Ogwôla murhi ali we, Yâgirwa Mwâmi, wabîre mukulu wanazibuha, wanacikula buzira kuhusa kuhika wahika omu nkuba karhî n’o­bwâmi bwâwe bwahika oku buzindazinda bw’igulu”.

1 Samweli 25:26

“Ci yâgirwa muhanyi, oku irenge lya Nyamubâho, oku irenge ly’iroho lyâwe, Nyamubâho anakuhanzize okubulaga omukò, na ntyôla mpu ebi olagîrîrekwo ocihebyo wênene n’okubûko kwâwe. Na bunôla abanzi bâwe na ngasi boshi bakulongeza amabî yâgirwa, bakabà aka Nabala mâshi!”