Ayubu 27:20 - BIBLIYA NTAGATIFU OMU MASHI

²⁰ Obôba bunacîrhunike kuli ye nka mîshi, budufu omuhûsi gunamugêndane.

Ayubu 27:20 ပူးပေါင်းရင်းမြစ်များ

2 Bâm 19:35

Muli obwôla budufu bônene, Malahika wa Nyakasane anaciyîmuka ajà omu cihando ca bene Asîriya, ayîrhamwo bantu bihumbi igana na makumi gali munâni na birhanu; n’erhi bazûka sêzi, lolà oku bali bakola mirhumba yonene.

Ayubu 15:21

Amarhwîri gâge garhayumva oburhali bwôba, amango g’omurhûla, kaheza anacirhunike kuli ye.

Ayubu 18:11

Ngasi lunda ankayêrekera obwôba bwâmugwârha, bunamushimbulwîre oku ajà agenda.

Ayubu 20:23

Nyamuzinda anamurhogezekwo obukunizi bwâge bunene, anamurhulirekwo obwîre bw’emyampi yâge.

Ayubu 20:8

Anabalale nka cilôrho cirhankakengêrwa, analibirhe nka bilôrha by’omu budufu.

Ayubu 21:18

Ka ko baligî nka hyasi hyayêhûlwa n’empûsî, ka ko bali nka mujimbi gwahêkwa na kalemêra?

Ayubu 22:16

Balya bàhirigirhaga embere amango gahike? Balya ebiriba byâbo byàhêkagwa n’olwîshi?

Ayubu 24:18

Ola ali nk’owaj’ayêrêra oku mîshi, aha ayûbaka harharhenga bijâci by’abantu b’omu cihugo, ci ye arhankagera omu njira ejîre ebwa lukoma!

Ayubu 34:20

Boshi kufà bafà omu kahwenyenye k’obudufu, entwâli ziherêrekere n’okuhirigirha, na ciri-misî amunaganule buzira kucihinya.

Ennanga 18:4

Nalakîre Nyamuzinda, olya okayagirwa! andîkûza oku bashombanyi bâni.

Ennanga 42:7

Omurhima gwandwîrîre omu nda, bwo buno nkukengêrîre eno munda e Yordani n’e Hermoni, oku hirhando hya Misarhi.

Ennanga 83:16

Orhang’ibanikakwo omulaba gwâwe ntyo, n’empûsi yâwe erhang’ibakanga.

Ennanga 90:5

Kushamula obashamula nk’îrò lya sêzi, nka byâsi by’oku civù,

Lubungo 12:29

Aha karhî k’obudufu, Nyakasane ànigûza ngasi lubere omu cihugo c’e Mîsiri, kurhangirira oku nfula ya Faraoni mwâmi w’e Mîsiri yànkayîmire oku ntebe yâge, kuhika oku nfula y’omujà oli omu mpamikwa, ngasi lubere lw’ebintu.

Daniyeli 5:30

Muli obwôla budufu mwônêne Baltazari, mwâmi w’abanya-Kaldeya anni­gwa.

Yônà 2:3

Amango nalihanyagire, nayakûzize Nyamuzinda, ananshuza. Amango nali ekuzimu, nayakûzize, wanayumva izù lyâni.