Ayubu 26:7 - BIBLIYA NTAGATIFU OMU MASHI

⁷ Olunda lw’emwênè analugalihye buzira cici, n’igulu alimanike oku busha.

Ayubu 26:7 ပူးပေါင်းရင်းမြစ်များ

Ayubu 38:6

Oku bici amakôndo gâlyo gasimikira, nîsi, erhi ndi waligwîkiraga ibuye ly’eciriba?

Ayubu 9:8

Yêne ye walambûlaga amalunga, ye gera oku mîshi g’enyanja.

Ennanga 24:2

Ye walijeberezagya oku ndêko y’enyanja, àliyûbaka analizibuhya oku maliba g’enyîshi.

Ennanga 89:12

Amalunga gabà gâwe, n’igulu kwo na kwo, wêne walemaga igulu n’ebiribâmwo.

Ennanga 89:13

We walemaga eby’ekulembe walema n’eby’ekulyo, entondo ya Tabora n’eya Hermoni kucîtakîra zacîtakîrira izîno lyâwe.

Izaya 40:21

Ka kuhaba mukuhabire? Ka murhasâg’ikuyumva? Ka barhasâg’imuganîrirakwo kurhenga emurhondêro? Ka murhamanyiri ndi wasimikaga igulu?

Izaya 40:22

Atamîre oku ntebe yâge y’obwâmi enyanya ly’ecirêre c’igulu, n’abalibâmwo kwo bali nka nzige. Amalunga àgabungwîre nka mwambalo agalambûla nk’ihêma ly’okucumbikamwo.

Izaya 40:26

Yinamuliri amasù enyanya mucîbonere: ndi wâjiraga ebyo biremwa? K’arhali olya okeresa omurhwe gwâbyo n’okuhamagala ngasi ciguma omu izîno lyâco? Embere z’obuhashe bwâge bunene n’oburhwâli bwâge, ntâco cankabula bwabâho.

Izaya 42:5

Kwo adesire ntyôla Nyamuzinda, Yâgirwa Nyakasane, owalemaga amalunga anagabungûla, owazibuhyagya igulu n’ebiburhwâmwo, owahâga abantu balibâmwo obuzîne anahà abaligerâmwo omûka:

Zakariya 12:1

Akanwa ka Nyakasane kuli Israheli. Ntya kwo Nyakasane adesire, olya wabungulaga amalunga, agwîka eciriba c’igulu ye nahà omuntu obuzîne: