Ayubu 24:20 - BIBLIYA NTAGATIFU OMU MASHI

²⁰ Ibêre lyàbayonsagya linabayibagire, bamâlîbwa n’emivunyu, barhacimanyikîni, obubî bwamâkenyuka nka murhi.

Ayubu 24:20 ပူးပေါင်းရင်းမြစ်များ

Ayubu 17:14

Nabwîzire enshinda; nti: «we lârhà» N’emivunyu, nti: «we Nyâmà, we na mwâli wîrhu!»

Ayubu 19:10

Amanshambûla empande zoshi, na ncikolera, nka kula bamanyula omurhi, kw’amanywîre obulangâlire bwâni.

Ayubu 19:26

Kandi buzinda nkola nyimanzire, mbà namâshubira omu luhù lwâni, mbà namâzongwa nalwo, n’omubiri gwâni nayîsh’ibona Nyamuzinda.

Ayubu 21:26

Ci bombi omu katulo banajicihengeka, n’emivunyu ebalûnde.

Ayubu 3:13

Bulya rhinga buno ncîbêrîre omu murhûla, rhinga ndwîrhe nahûnga irò ntânatulukè,

Ennanga 34:16

Isù lya Nyakasane lirharhenga oku bashinganyanya, n’amarhwîri gâge gayôrha gali marhege galinga omulenge gwâbo.

Migani 10:7

Izîno ly’omushinganyanya irenge lijà, izîno ly’enkola-maligo cibolwe.

Muhanûzi 8:10

Ci kandi mbwînage abaminya bahêkwa ebwa kubishwa, n’abantu banarhenge omu ka Nyamuzinda bajibahera obukenge ekà, kulya kubà bajizire ntyo, kuli kurhebwa!

Izaya 26:14

Banyakwigendera barhakac’ishubiramw’omûka, ebizunguzungu birhakacîfûla! Bulya wabahanyire wanabamalîra, wazâza ciru n’izîno lyâbo.

Izaya 49:15

K’omuzîre anayibagire akabonjo adwîrhe ayonsa, k’omwâna w’omu nda yâge ankabula bwamufà lukogo? Ciru bankayibagira, niehe ntakuyibagire!

Daniyeli 4:14

Okwôla kwajirwa n’irhegeko ly’Abalanzi, n’ebyôla byoshi byakolwa n’a­batakatifu, lyo abazîne bamanya oku Ow’Enyanya agwêrhe obuhashe oku bwâmi bw’eno igulu, anabûhe oyu alonzize n’omwîrhohye bwenêne omu bantu anamuyimuse.

Mateyo 3:10

“Lêro embasha ekola eri aha cisiki c’emirhi. Na ngasi murhi gurhajira malehe minjà gwatûbwa gunakwêbwe omu muliro”.