Ayubu 24:1 - BIBLIYA NTAGATIFU OMU MASHI

¹ Cirhumire emw’Ogala-byoshi ntà mango gabà gahanzîbwe, lyo abamuyishi barhagibona ensiku zâge?

Ayubu 24:1 ပူးပေါင်းရင်းမြစ်များ

Murhondêro 18:17

Nyamubâho àcîdôsa erhi: «Kurhi nafulikaga Abrahamu akantu ndâlire okujira,

Murhondêro 7:4

Bulya enyuma lya nsiku nda, naniêsa enkuba en’igulu nsiku makumi anni na madufu makumi anni; en’igulu naholola ngasi cizîne najiraga».

Ayubu 15:20

Ensiku z’omubî zoshi ganabà malibuko, n’omwîsi, emyâka yâge ebà miganje.

Ennanga 31:15

Yâgirwa niehe we ncîkubagîre, nêci nsêzize: we Nyamuzinda wâni.

Ennanga 36:10

Bulya nêci enshôko y’akalamo aha burhambi bwâwe ebà, n’akamole kâwe ko rhubonamwo obulangashane.

Ennanga 9:10

Mâshi Nyamuzinda abà lwâkiro lw’abadwîrhe barhindibuzibwa, lwâkiro omu mango g’obulagîrire.

Muhanûzi 3:17

Kwo kuderhaga: nti Nyamuzinda atwa olubanja lw’omushinganyanya, atwe n’olw’ecishungu, bu lyala hali amango g’okujirira byoshi hanôla.

Izaya 2:12

Nêci, lwâyisha olusiku Nyakasane Nyamuzinda w’Emirhwe agombya ngasi yêshi ocîbona n’ocîhira enyanya, amufunyâze;

Izaya 60:22

Owali munyi lêro akola aj’ibà bihumbi n’owali munegeshe lêro akola aj’ibà ishanja lizibuzibu. Nie ono, Nyakasane, hano amango gahika, okwôla nakujira oku iri­ ndo liguma.

Yeremiya 46:10

Olu lwo lusiku, kuli Nyakasane, Nyamuzinda w’Emirhwe lw’olwihôlo, okucîhôla oku bashombanyi bâge. Engôrho ekola yatula yanabinja, eyône, eshembuke mukò. Bulya kuli kushirama kwa Nyakasane Nyamuzinda w’Emirhwe. Omu bihugo by’e lugulu, eburhambi bwa Efrata.

Daniyeli 2:21

Yêne ye ohindula akasanzi n’amango, ye oyîmika abâmi ayîmûle n’abandi ye ohâna oburhimanya oku barhimanya n’obumanye oku banya-bukengêre.

Abudiya 1:15

Bulya olusiku Nyakasane abâna amashanja luli hôfi; oku wajizire kwo nâwe wâjirirwe: ebijiro byâwe byâkugalukira! Orharhôlaga obuhirhi bwâbo amango bali omu malibuko.

Sofoniya 1:7

Akahwenyenye kabè embere za Nyakasane Nnâmahanga, kulya kubà olusiku lw’obukunizi bwâge bunene luyîruka! Nêci, Nyakasane anarheganyize oburherekêre, mîra acêsagya ebigolo byâge alâlisire.

Mateyo 24:38

Muli ezo nsiku zashokoleraga ecihonzi, bakâg’ilya banaywe, bakâg’isheba banashebwe kuhika olusiku Nûhu ajaga omu bwârho.

Yowane 17:3

Akalamo k’ensiku n’amango kuli kukumanya, w’oyo Nyamuzinda w’okuli wênene, n’oyu warhumaga, Yezu Kristu.

Ebijiro 1:7

Abashuza, erhi: «Gurhali mukolo gwinyu okumanya ensiku n’amango Larha yêne acîshozire oku bulonza bwâge;

Ebijiro 17:26

“Ye warhenzagya abantu boshi oku muntu muguma, anabalumîza omu igulu lyoshi; abagêrera ensiku z’obuzîne bwâbo, abatwîra n’embibi z’aha bayûbaka”.

Barom 2:5

Obûla ohûsize omurhima gwâwe orhanalonza okucîyunjuza, k’orhîshi oku odwîrhe wacihakira enguli y’obukunizi oku lusiku lwa ngerera-hano, lwo lusiku olubanja lw’okuli lwa Nyamuzinda lwânabonekane,

1 Batesalonika 5:1

Oku nsiku n’amango, bene wîrhu, ntà bulagîrire mugwêrhe bw’okubiyandikirwa.

1 Timoteyo 4:1

Mûka Mutagatîfu akudesire n’obwâlagale oku, omu nsiku nzinda, baguma bâhakana obuyêmêre, bashimbe abazimu b’okurhebana n’enyigîrizo za shetani;

1 Timoteyo 6:15

Olwo lusiku, amango ensiku zâlwo zahika, aluyêrekana yêne, ye Nnakuno, Nn’iragi n’obuhashe bwoshi, Mwâmi w’abâmi na Nyakasane wa banyakasane;

2 Petro 2:3

Omu magene gâbo g’eby’en’igulu, bammulonzakwo obunguke n’ebinwa by’obwengehuza. Ci olubanja lwâbo mîra lwatûbagwa, n’okuhera kwâbo kuli kurheganye.