Ayubu 23:12 - BIBLIYA NTAGATIFU OMU MASHI

¹² Ntaciyêgûlaga oku marhegeko g’ekanwa kâge, nakazâg’ilanga amarhegeko g’ekanwa kâge omu nda yâni.

Ayubu 23:12 ပူးပေါင်းရင်းမြစ်များ

Ayubu 15:11

K’onabwîne oku kali kantu kanyi oburhûlirize bwa Nyamuzinda kuguma n’ebinwa by’olubohôlolo rhukubwîzire?

Ayubu 22:22

Oyankirire enyigîrizo z’ekanwa kâge, n’ebinwa byâge obibîkire omu murhima gwâwe.

Ayubu 23:13

Ci kwône yêhe ayôsire ampigîre: ndi wankamuncizakwo? Oku omurhima gwâge gulonzize kwo anajira.

Ayubu 33:9

Niono ndi mwêru kwêru ntà bulyâlya, ndi mwimâna, buzira izâbyo.

Ayubu 6:10

Ciru obwo bwanacibà burhulirize bwâni, nsigalane bishingo bitya muli aga malibuko gâni goshi, mbone ntalabiraga ebinwa by’Omwimâna.

Ennanga 119:103

Ebinwa byâwe, oku binnunira! Ekanwa kâni, byo binunu oku bûci.

Ennanga 119:11

Nsegîze akanwa kâwe oku murhima, nti ndeki hemuka.

Ennanga 119:127

Co cirhuma nsîma amarhegeko gâwe kulusha amarhale n’amasholo.

Ennanga 33:11

Emihigo ya Nyakasane ecibêra kadundu-ntashugulwa, enkengêro z’omurhima gwâge zirhahuligana, oku biguma byahira ebindi byahirûka.

Migani 30:8

Oncînge oku bunywesi n’oku bulênzi, orhampâga bukenyi orhampâga na bugale, ci ondeke nâni ndye oku mugati.

Yeremiya 15:16

Ebinwa byâwe, erhi byampikagakwo, nambivuguse, akanwa kâwe, bwâbà busîme bwâni, bwâbà bushagaluke bw’omurhima gwâni; kulya kubà izîno lyâwe banderha: Nyakasane Nyamuzinda w’Emirhwe.

Luka 12:42

Nyakasane ashuza, erhi: «Ndi baderha mpu ali mwimangizi mwîkubagirwa na mwîrhonzi, oyu nnawâbo anasigîre aha mbuga, ayish’ihà abâbo Bashi ogwâbo mulengo gw’e­ngano omu mango gakwânîne?

Luka 12:46

“nnawâbo oyo mushi ayish’iyisha olusiku n’akasanzi arhamanyiri, amukage anamuganjire omu bâgo­ma”.

Yowane 4:32

Naye abashuza, erhi: «Ngwêrhe ebiryo murhishi».

Yowane 4:34

Yezu ababwîra, erhi: «Ebiryo byâni kuli kujira obulonza bw’owa­ntumaga n’okuyûkiriza omukolo gwâge.

Yowane 8:31

Okuhandi Yezu anacibwîra balya Buyahudi bali bamuyêmîre, erhi: «Mukasêra oku binwa byâni, mwâbà baganda bâni b’okunali;

Ebijiro 14:22

Bakâzibuhya emirhima y’Abemêzi n’okubahà amahano mpu basêre omu buyêmêre, banakâbabwîra, mpu: «kukwânîne rhugere omu malibuko manji lyo rhuhika omu bwâmi bwa Nyamuzinda».

1 Petro 2:2

Nka rhubonjo rhwaciburhwa, mushwîre amarhà minjà g’obunya-mûka, lyo mukula munahike omu bucire,

1 Yowane 2:19

Muli rhwe bàrhengaga, ci bàrhali ba muli rhwe; bulyâla bacibâga ba muli rhwe, rhinga babêzire haguma nîrhu. Ci kwàli kukwânîne kubonekane n’obwâlagale oku boshi ba­rhàli ba muli rhwe.