Ayubu 22:25 - BIBLIYA NTAGATIFU OMU MASHI

²⁵ Ogala-byoshi anabà yênene ye kola masholo gâwe, na kuli wênene, wanabà n’orhurhondo rhw’enfaranga.

Ayubu 22:25 ပူးပေါင်းရင်းမြစ်များ

Murhondêro 15:1

Enyuma ly’ebyo, akanwa ka Nyamubâho kanacirhindakwo Abramu omu cilôrho, kaderha ntya, erhi: «Orhayôbohaga Abramu, nie mpenzi yâwe, oluhembo lwâwe lwâbà lunene».

Ayubu 22:24

Lêro ahôla, amasholo wanabona okola wakaz’igalola nka katulo n’amasholo g’e Ofiri, ogalole nka rhubuye rhw’omu migezi.

Ayubu 22:26

Ali ebwa kubà obusîme bwâwe wamabulongereza emwa Ogala-byoshi, wanayînamula obusù bwâwe emunda Nyamuzinda ali.

Ayubu 3:15

nîsi rhinga ncîbêrîre haguma n’abaluzi bàluzagya amasholo n’enshinda zâbo bazibumba marhale.

Ennanga 18:2

Anaciderha, erhi: Nkusîma Nyamuzinda, we misî yâni;

Ennanga 84:11

Kwo binali: omulegerege omuntu agezize omu mwâwe gwo mukulu oku yindi cihumbi, okubêra aha lusò lwa Nnâmahanga, kwo kukulu aha kubêra omu nyumpa y’abanya-byâha.

Izaya 33:6

Ye nyamwegemerwa w’ensiku z’obuzîne bwâwe. Obugale bwankaciza, bwo burhimanya n’obumanye; okurhînya Nyakasane, bwo buhirhi bwâwe.

Izaya 41:10

Orhayôbohaga, bulya ndi haguma nâwe, orhabâga bihamba, bulya nie Nyamuzinda wâwe. Nakuzibuhize nanakurhabâla, nakugwâsa n’okulyo kw’obucîranuzi bwâni.

Ndûlù 3:24

Kwo ndesire: nti «Nyakasane ye kuhirhira kwâni, co cirhumire mmulangâlira».

Barom 8:31

Cici rhwankaciyûshûla kw’ebyo? Akabà Nyamuzinda ali olunda lwîrhu, ndi wankacirhuhima?

2 Bakorinti 6:10

mpu rhuli burhè, n’obwo rhurhayôrha rhurhashagalusa; mpu rhuli ba buligo, n’obwo banji rhugaza; mpu rhurhagwêrhi kantu, n’obwo ntâco rhurhajira. Abakorinti nabo bayigule emirhima.

Yakôbo 2:5

Leki mmubwire, bene wîrhu bazigirwa! Ka Nyamuzinda arhacîshogaga abakenyi b’en’igulu mpu babè bahirhi omu buyêmêre, banabè mîmo y’O­bwâmi alaganyagya abamuzigira?