Ayubu 22:13 - BIBLIYA NTAGATIFU OMU MASHI

¹³ Wàkazâg’iderha, erhi: «bici Nyamuzinda ankamanya kuli okwo? Erhi, ka ankatwa olubanja kurhenga omu citù?

Ayubu 22:13 ပူးပေါင်းရင်းမြစ်များ

Ayubu 34:22

Ntà mwizimya nîsi erhi lwikûngu, nyankola-maligo ankahash’icîfulikamwo.

Ennanga 10:11

Aderhe omu murhima gwâge, erhi: «Nyamuzinda ayibagire! Ahengwîre obusù bwâge, arhanacidwirhi abona!»

Ennanga 139:11

Erhi nakanderha, nti: «Ciru omwizimya gumbwîke, n’obudufu bunzonge nka mûshi.»

Ennanga 139:7

Ngahi nakaja nderhe nti nkola ndi kulî n’omûka gwâwe? Ngahi nakayâkira amasù gâwe?

Ennanga 59:7

Erhi byayîsh’ibà bijingo, banayisha bâmoka nka bibwa, bajè bahulahula omu lugo.

Ennanga 64:5

Zo zira nkola-maligo zikaz’icîfulika mpu ziyâgaze omuhanya, mpu zimuyûbûke zimuyâgaze, zirhânababale bici.

Ennanga 73:11

«Kurhi Nyamuzinda ankamanya?» mpu: «K’Ow’Enyanya ankamanya?»

Izaya 29:15

Buhanya bwâbo abacibundika mpu bafulike Nyakasane emihigo yâbo, abajirira ebijiro byâbo omu mwizimya, baderhe, mpu: «Ndi odwîrhe warhubona? Ndi orhumanyire?»

Yeremiya 23:24

K’omuntu akacîfulika ahantu habishe mbule bwamubona? Kanwa ka Nyakasane. Ka ntabumbiri empingu n’igulu niono? Kanwa ka Nyakasane.

Ezekiyeli 8:12

Anacimbwîra, erhi: «Kw’obwînage wâni mwene omuntu ebi abagula b’Israheli bajirira omu mwizimya, ngasi muguma omu hiyumpa hyâge hishîge irangi? Banakaziderha mpu: Nyamubâho arharhubona, mpu Nyamubâho arhenzire omu cihugo».

Ezekiyeli 9:9

Anacimbwîra erhi: «Obubî bw’omulala gw’Israheli n’ogwa Yûda buli bunji okurhalusire, ecihugo cayunjulîre mukò, olugo ludwîrhe lwalerengana, bulya badwîrhe baderha, mpu: Nyamubâho àrhenzire omu cihugo, Nyamubâho arhankabona.

Amosi 9:2

Bakaderha mpu bacîbisha ekuzimu, okuboko kwâni kwabajalabulayo; bakashonera oku nkuba, nabahonyakwo;

Amosi 9:3

bakacîfulika oku busongêrwe bwa Karmeli, nâgendibarhenzakwo, mbà­gwârhe, bakacîfulika omu ndalâlà y’enyanja, nnantegeke ihirahira lya­ mwo libalumiremwo:

Sofoniya 1:12

Muli ago mango nâyôce Yeruzalemu n’orhumole; nanjè narhangula balya boshi barharhenga omu bubî bwâbo, bo balya baderha emurhima gwâbo, mpu: «Nyakasane arhankahashijira mabî erhi minjà.»