Ayubu 21:5 - BIBLIYA NTAGATIFU OMU MASHI

⁵ Mundolekwo, mwanageramwo omusisi, muhire okuboko oku kanwa kinyu muhulike.

Ayubu 21:5 ပူးပေါင်းရင်းမြစ်များ

Ayubu 13:5

Ndi wankarhang’imununika munahumbârhale, lyoki mwankabona ninyu oburhimanya!

Ayubu 17:8

Abantu bashinganyanya bamajuguma erhi okola kurhuma n’omushinganyanya amâkunirira omugalugalu.

Ayubu 2:12

Oku baciri kuli, mpu bamulikirekwo; amasù, bamuhaba. Bagwîra omulenge. Ngasi muguma asharhula emyambalo yâge, banacigukumulira akatulo oku irhwe.

Ayubu 29:9

Abarhambo bàkagihwêkera batwe omu binwa byâbo, bànakagihira okuboko oku kanwa.

Ayubu 40:4

Ntarhanyize kuli ebi naderhaga, bicigi nankacishuza? Namâhira enfune oku kanwa kâni.

Ennanga 39:9

Ondîkûzagye oku ngasi bubî bwâni, orhanazigaga nâgwa omu masheka g’idâga

Migani 30:32

Erhi wankahabuka okakaliha, n’erhi wakabà wacîjîre emurhima, onahire enfune oku kanwa!

Izaya 52:15

ntyôla kwo âyôbohya amashanja manji, abâmi bâhûmbarhala embere zâge, ebwa kubà bamâbona ebi barhasâg’ibwîrwa bamânayumva ebi barhasâg’iyumva baderha.

Amosi 5:13

Co cirhumire omuntu mwîrhonzi acîhulikire mwa gano mango, bulya gali mango ga buhanya.

Mikeyo 7:16

Amashanja gabone enshonyi zigabumbe, ciru akabà gacibona misî, gâgwârha oku kanwa, gafuke n’amarhwîri.

Barom 11:33

O! (yâga) we, nnakagali w’obugale n’obushinganyanya n’obumanye bwa Nyamuzinda! Oku emihigo yâge erhamanyîkana kwo n’enjira zâge zirhayumvikana!

Bacîranuzi 18:19

«Hulika, hira enfune zâwe oku kanwa kâwe, onayîshe rhugende rhweshi, ojibà we Larha wîrhu na mudâhwa wîrhu. K’obwîne kuli kwinjà okuyôrha mudâhwa w’enyumpa ya muntu muguma, nîsi erhi okugendibà mudâhwa w’omulala mugumagumà, na mulala gwa bene Israheli?»