Ayubu 20:12 - BIBLIYA NTAGATIFU OMU MASHI

¹² Akaginunirwa n’amabî, Garhahusagya oku lulimi lwâge,

Ayubu 20:12 ပူးပေါင်းရင်းမြစ်များ

Murhondêro 3:6

Lêro nyamukazi abona nk’omurhi guli mwinjà okulîbwa, gunali gwa kusîmîsa amasù gunali gwa kucîfinjwa n’okudômwamwo obwenge; arhôla irehe alyâko, anahà ibà wali bonaye, naye alyâkwo.

2 Samweli 11:12

Lêro Daudi abwîra Uriya erhi: «Orhajaga ngahi, oshub’ibêra hano ene n’irhondo na nakuyêmêrera ohûmûke.» Ntyo Uriya abêra e Yeruzalemu olwo lusiku. Bwaca sêzi,

Ayubu 15:16

Kurhi byankabâga oku mugalu-galu n’ow’amabî, oku muntu onywa amabî nka mîshi!

Ennanga 10:7

Akanwa kâge kayunjwîre malogorha n’obunywesi n’obulyâlya; olulimi lwâge lurharhêngamwo oburhali buhanya n’obubî.

Migani 19:28

Muhamiriza mubî oshekera abashamuka e kagombe, akanwa k’endyâlya kugulinjika kagulinjika amaligo.

Migani 20:17

Omugati gw’obushuma guyishi oku gununira omuntu, erhi gucîbûmba akanwa gushube mushênyi!

Muhanûzi 11:9

We mwâna osîme obu ociri musole, onacîshinge ensiku ociri murhò oshimbe enjira omurhima gukuhire, n’enyifinjo amasù gakuyêresire. Ci kwône omanye oku muli ebyo byoshi, Nyamuzinda akuhamagala omu lubanja.

Yeremiya 2:19

Maligo gâwe gakuhana, mabî gâwe gakukabya: oyumve onabone oku kuli kubî na kululu okutwîka Nyamubâho Nyamuzinda wâwe n’okubula bwa ntinya. Yekudesire Nyakasane Nyamuzinda w’emirhwe.