Ayubu 2:8 - BIBLIYA NTAGATIFU OMU MASHI

⁸ Ayubu ayanka ehijò akazicîburûsha-mwo anaforhamire omu luvù.

Ayubu 2:8 ပူးပေါင်းရင်းမြစ်များ

2 Samweli 13:19

Tamari, aguka akatulo, acîyôlerakwo omu irhwe, abêra kalya kanzo kinjinja al’iyambîrhe, ahira okuboko oku irhwe, agend’abanda endûlù.

Esteri 4:1

Erhi anayumva oku kwo byalâlîrwe ntyôla, Mardokeyo asharhula emyambalo yâge ayambala sunzu, anacilabika oluvù. Okubundi anacikanya omu lugo loshi ajà abanda endûlù,

Esteri 4:3

Omu ngasi cishagala banamanyisagyamwo ogwôla mwanzi gw’ebwâmi, oku ngasi Muyahudi wanali k’olwôla lugo kwabà kurhindibuka, kulaka n’okurhoza emirenge, kucîshalisa n’emirhanyo. Banji baj’omu mishîbo, bayambala sunzu, bacilabika oluvù.

Ayubu 2:9

Obwo mukâge amubwîra, erhi: «Bici ocînanîrize kwo omu budahemuka? Jâcira oyo Nyamuzinda ncîfîre!»

Ayubu 42:6

Na kandi omu byanshonyi byâni, namâgalula oku naderhaga, nkola nacîyûnjuza omu kucibêrera omu katulo n’omu luvù.

Ennanga 38:5

Obubî bwâni nêci bundenzire bulî, kwo bunzidohîre nka mushoko muzirho.

Ennanga 38:7

Nagombire, nayûnama nayûnamiriza; nalegerera ndi omu mishîbo.

Izaya 61:3

ndêrhere abâli aha Siyoni omwîshingo, mbayambise ecimanè ahâli h’oluvù, mbashîge amavurha g’obushagaluke ahâli h’omwambalo gw’emishîbo, mbayambise omwenda gw’olusiku lukulu ahâli h’omurhima gwarhanya. Bâyish’ikaderhwa mitudu y’obushinganyanya, ndimiro y’irenge lya Nyakasane.

Yeremiya 6:26

Mwâli w’olubaga lwâni yambala sunzu, civuluvunze omu luvù, jira emishîbo kulya banashîba omwâna w’ecûsha obande endûlù, bulyâla alingirhuhikakwo, kaheza.

Ezekiyeli 27:30

Bâlaka banalakûle erhi we orhumire. Bâcîkwêba omutulo omu irhwe, bâcivuluvunza omu luvù.

Yônà 3:6

Omwanzi gwahikakwo mwâmi w’e Ninive, azikûka oku ntebe yâge, ahogola ecishâli câge, acîbwîka sunzu, acîbwâlika n’omu luvù.

Mateyo 11:21

«Yajowe yâga weki Korozayini we! Yajowe yâga weki Betisayida we! Bulya ebisômerîne byoshi byajirîrwe ekarhî kinyu, bicijiriragwa muli Tiri na Sidoni, bankacîyunjuzize kurhenga mîra, bacîbabaze banacihebe oluvù oku irhwe.