Ayubu 17:9 - BIBLIYA NTAGATIFU OMU MASHI

⁹ Ci kwône kurhârhume omushinganyanya aleka enjira yâge, oli wa amaboko mêru kwêru anayûshûla oburhwâli.

Ayubu 17:9 ပူးပေါင်းရင်းမြစ်များ

Murhondêro 20:5

Kàli Abrahamu yêne wambwîraga, erhi mwâli wîrhu oyu, na nyamukazi naye yêne aderha erhi mushinja wîrhu oyu? Nakujizire n’obushinganyanya bw’omurhima n’obw'amaboko garhalikwo izâbyo».

2 Samweli 3:1

Entumba yanaciluga bwenêne ekarhî ka bene Saulu na bene Daudi. Ci muli eyôla ntumba Daudi ayisha azibuha, n’owâbo Saulu ajà afunyâla.

Ayubu 22:30

Anayôkole omwêru-kwêru, nâwe wacizibwa n’obwinjà bw’amaboko gâwe.

Ayubu 27:5

Zije kuli na nâni enkengêro z’okukubwîra oku oyâzize, kuhika nfè erhi n’omu bwihangânyi nanciba,

Ayubu 27:6

Narhondîre okucîyûmânyanya ntanakuleke, omurhima gwâni gurhankabona nshonyi ciru n’oku lusiku luguma lw’akalamo kâni.

Ayubu 31:7

Akabà enjira yâni erhenzire omu njira nnungêdu, akabà omurhima gwâni gwahûsire n’amasù gâni, akabà enfune zâni zàzinzire na bubî bulebe,

Ayubu 33:9

Niono ndi mwêru kwêru ntà bulyâlya, ndi mwimâna, buzira izâbyo.

Ennanga 11:3

Erhi eciriba cankahongoka, cici omushinganyanya ankacibash’ijira?

Ennanga 24:4

Omuntu w’amaboko mêru-kwêru n’ow’omurhima gucîre, olya orhahîra omurhima gwâge oku by’obunywesi, orhanalahira binyoma.

Ennanga 26:6

Obwêru-kwêru go mîshi ncîkalaba, ntanahwa ntakeya aha luhêro lwâwe, Nyamwagirwa.

Ennanga 73:13

Kumanya busha narhamiraga erhi nnanga omurhima gwâni nti gurhazingaga, erhi nkalabira enfune omu bwêru-kwêru?

Ennanga 84:11

Kwo binali: omulegerege omuntu agezize omu mwâwe gwo mukulu oku yindi cihumbi, okubêra aha lusò lwa Nnâmahanga, kwo kukulu aha kubêra omu nyumpa y’abanya-byâha.

Ennanga 84:7

Hano bayikira akabanda kûmu, bâkahindula nshôko, n’enkuba mpangûka ekabumbe mugisho.

Ennanga 84:8

Bâja bazibuha bunjirà-njirà bulya bâyîsh’ibona Nnâmahanga omu Siyoni.

Migani 10:25

Erhi entambala ehwa erhi na ntà mumînya ocihali, ci omushinganyanya erhi ye kola oyîmanzire kulya kw’ensiku n’amango.

Migani 10:30

Ntà mango omushinganyanya ankadûndagana, enkola-maligo zôhe zirhâyûbake omu cihugo.

Migani 14:16

Omurhimanya arhahimwa kurhînya n’okuyâka obubî, omuhwinja yêhe aburhûngane mpu ali ntwâli.

Migani 4:18

Enjira y’abashinganyanya kw’eri nka bucè bwa lubûngu-bûngu, bwo buyisha bwakula kalinde kabà kasirahinga.

Marko 7:2

N’erhi babona baguma omu baganda bâge ba­dwîrhe balya n’enfune zizinzire, kwo kuderha ezirhali nkalabe, babagaya.

Yakôbo 4:8

Yêgeri Nyamuzinda, naye a­mmuyegerera. Kalabi enfune zinyu, mwe banya-byâha; cêsi emirhima yinyu, ezi nderhera-habiri.

1 Petro 1:5

mwe mulangwa n’obuhashe bwa Nyamuzinda erhi buyêmêre bwinyu burhuma, mpu lyo muyish’ibona bulya bucire bwâfulûlwa omu nsiku nzinda.

1 Yowane 2:19

Muli rhwe bàrhengaga, ci bàrhali ba muli rhwe; bulyâla bacibâga ba muli rhwe, rhinga babêzire haguma nîrhu. Ci kwàli kukwânîne kubonekane n’obwâlagale oku boshi ba­rhàli ba muli rhwe.