Ayubu 16:4 - BIBLIYA NTAGATIFU OMU MASHI

⁴ Nâni, nanahasha okushambâla akinyu, acibâga mwe mwâli ahâla ndi; nali namubwîra ebinwa binjinjà na mmudûndire irhwe.

Ayubu 16:4 ပူးပေါင်းရင်းမြစ်များ

2 Bâm 19:21

Alaga akanwa ka Nyamubâho kuli ye: Akugayire, akushekîre, omwânanyere w’e Siyoni, Akukengwîre, akuniolîre irhwe omwânanyere w’e Yeruzalemu.

Ayubu 11:2

Ka kîshi-derha yêhe arhashuzibwa? K’okuderha bwenêne kwo kuyâza?

Ayubu 16:5

Omu kanwa kâni nali namubwîra; nti muzibuhe, na buzinda ncîhûmbire.

Ayubu 35:16

Kuli kuderha oku Ayubu adwîrhe abumbûlira akanwa busha, omu buhwinja bwâge adwîrhe aluza ebinwa busha.

Ayubu 6:14

Okurhabêra omwîra obwonjo, kuli kulahira bwarhînya Ogala-byoshi.

Ennanga 109:25

Nakwâmirwe nanashekerwa narhama, abadwîrhe bambona irhwe badwîrhe badunda.

Ennanga 22:7

Niehe ndi muvunyu, ntali muntu: ndi mugalugalu omu bîrhu, ndi ikundwe omu lubaga.

Ennanga 22:8

Ngasi wambona erhi anangayaguza, abande ennani, adunde irhwe.

Ennanga 44:14

We warhumire rhwajâcirwa n’abâlûngwe bîrhu, abayûbaka haguma nîrhu barhushekera nk’aha bwacêraga.

Migani 10:19

Oderha bwenêne arhabula ah’akubîze, ôlanga akanwa kâge erhi mwîrhonzi.

Muhanûzi 10:14

Omusirhe ye luza emyanzi: omuntu arhishi ebyâbà; mbwîraga ndi wankamubwîriza ebyayishibà enyuma zâge?

Izaya 37:22

“Alaga akanwa Nyakasane adesire kuli ye: Amâkugayaguza, amâkushekera, omubikira, omwâna-nyere Siyoni; amâkukengula omwâna-nyere Yeruzalemu!”

Yeremiya 18:16

mpu lyo ecihugo câbo cishuba côbohwa masheka garhahwa, Ngasi yêshi ogeraho anasômerwe, adunde irhwe.

Yeremiya 48:27

Ka Israheli arhali masheka gâwe? Ka hali amango agwârhîrwe omu bishambo wabula kudunda irhwe ngasi kumuderha?

Ndûlù 2:15

Abadwîrhe bagera omu njira bakazikoma kagasha boshi, badwîrhe bakubandira olwôho we Yeruzalemu, banakudundira irhwe baderhe, mpu: Ka ko binali co cirya cishagala bakâgiderha mpu «Cinjinja buzira izâbyo na busîme bw’igulu lyoshi eci wâni?»

Sofoniya 2:15

Kwo câhinduka ntyo cirya cishagala c’obulimbi, cirya abantu bamwo bakâgicîkèbwa mpu bajira aha bayegamire, banakazimanya mpu ntâye obalingânîne. Lêro cashûbusirage, cikola bulumba bwa nsimba! Ngasi boshi bakola bacigeramwo banashungûrhe n’okusômerwa.

Mateyo 7:12

Ntyo, ngasi hyoshi mulonza abantu bammujirire, ninyu mubajirirehyo: lyo Irhegeko eryo n’Abalêbi.

Barom 12:15

Mukâshagaluka n’abashagalusire, munalake haguma n’abà­laka.

1 Bakorinti 12:26

Cirumbu ciguma cikababala, ebindi birumbu byoshi binababale bo naco. Cirumbu ciguma cikaja irenge, ebirumbu byoshi binashagaluke haguma naco.