Ayubu 15:21 - BIBLIYA NTAGATIFU OMU MASHI

²¹ Amarhwîri gâge garhayumva oburhali bwôba, amango g’omurhûla, kaheza anacirhunike kuli ye.

Ayubu 15:21 ပူးပေါင်းရင်းမြစ်များ

2 Bâm 7:6

Muli ecôla cihando c’abanya-Sîriya, Nyamubâho ali amarhangiyumvîsamwo eri nka midindîrî ya enfarasi, emibo mboroganyo y’engâlè n’oluli nka lubî lwa engabo y’abalwî. Banacibwîrana bône na bône mpu: «Lolà oku omwâmi w’Israheli anarhizize abâmi b’e Hiti n’abâmi b’e Mîsiri mpu barhushagamukirekwo».

Esteri 7:6

Esteri anacishuza, erhi: «Omushombanyi, omwîsi y’oyûla Hamani, y’oyûla kaheza!» Hamani ageramwo omusisi embere za mwâmi n’embere z’omwâmikazi.

Ayubu 15:24

Ensiku mbî zinamugeze mwo omusisi, ajugume anarhânye, nka kula mwâmi wajà oku matabâro ayôrha.

Ayubu 18:11

Ngasi lunda ankayêrekera obwôba bwâmugwârha, bunamushimbulwîre oku ajà agenda.

Ayubu 18:14

Amâkûlwa omu nyumpa yâge, omu ànalicibêrîre n’omurhûla, akululirwa emwa mwâmi wa bakahèza.

Ayubu 20:21

Bulya ntâye arhalibuzagya omu magene gâge, obwôloloke bwâge burhankarhinda.

Ayubu 22:10

Lolaga ecirhumire ozungulusirwe n’emirhego, n’ecirhumire ebîra by’okuyôbohya bikurhînda kwo caligumiza.

Ayubu 24:17

Bulya kuli abo, sêzi gwo mango obudufu burhangira, ebwa kubà bayishi ebiyôbohwa omu bulangashane.

Ayubu 27:20

Obôba bunacîrhunike kuli ye nka mîshi, budufu omuhûsi gunamugêndane.

Ennanga 92:7

Omuhwinja arhishi ntyo, idâga lirhumva okwo.

Migani 10:24

Omumînya ebi arhînya byo anabona, omushinganyanya naye oku acîfinjire kwo anabona.

Migani 28:1

Omumînya anayâke na ntâye omulibisirekwo; omushinganyanya yêhe kwo abâ adekerîre nka mwâna wa ntale.

Yeremiya 6:26

Mwâli w’olubaga lwâni yambala sunzu, civuluvunze omu luvù, jira emishîbo kulya banashîba omwâna w’ecûsha obande endûlù, bulyâla alingirhuhikakwo, kaheza.

Ben Levi 26:36

Amahungâ gankasigalamwo, nagahira goshi ecôbà emurhima, omu cihugo c’abashombanyi binyu: omusâgasa gw’ehyâsi gwône gurhume bakûla omulindi, balindimuke nka abayâka engôrho, bajè bakulumba n’obwo ntâye obashimbire.

1 Bakorinti 10:10

Murhacîdudumaga aka baguma muli bazigululwa na Kaheza.

1 Batesalonika 5:3

Amango abantu baderhe mpu: «Murhûla na kalembe», lyo obuhanya bwâbahonere oku caligumiza, kula emikero mibishi enarhogera omukazi oli izîmi, barhakanabona oku bayâka.

Mafulûlo 9:11

Omwâmi wazo ozikulîre, y’olya malahika w’omu nyenga; izîno lyâge omu ciyahudi ye Abadoni, n’omu cigereki ye Apoliyoni.