8 Ciru akabà emizî yagwo yàyumire ekuzimu, n’ecisiki cagwo cikola cirhôndire calûndwa,
Omurhi gujira obulangâlire, Banagutwe gunashub’ishabuka, gurhanaleke okujakwo emishabuka.
erhi gunayûmva amîshi gunashubimera, gushabuke gunalêrhe amashami nka murhi murhò.
Abafu bâwe bâshubiramw’omûka, n’emirhumba yâbo yafûka. Zûki, muyimbe n’omwîshingo, mwe mugwishîre omu katulo! Bulya olumè lwâwe luli lumè lwa bulangashane, n’igulu lyâshub’iburha balya bâli bakola bizunguzungu.
Okuli, okuli, mmubwîzire, nka mbeke y’engano erharhogîri omu budaka ekanafâ, enayôrhe yône; ci ekafà, lyo eburha mburho nyinji.
Eci cihwinja! Eci orhwera cirhajamwo buzîne cirhanarhanzir’ifà.