Ayubu 14:1 - BIBLIYA NTAGATIFU OMU MASHI

¹ Omuntu erhi aburhwa n’omukazi, alama nsiku nsungunu erhi zinayunjwiîe mirhanyo.

Ayubu 14:1 ပူးပေါင်းရင်းမြစ်များ

Murhondêro 3:17

Abwîra nyamulume, erhi: «Obwo wayumvîrhe mukâwe, wanalya kuli gulya murhi, n’obwo nakurhegekaga, nti irhondo orhahîraga okagulyâkwo, idaho lihehêrîrwe erhi we rhuma. Omu malibuko okola wakâkulamwo eci walya, ensiku zoshi z’akalamo kâwe.

Murhondêro 47:9

Yakôbo ashuza Faraoni mwâmi w’e Mîsiri, erhi: «Emyâka nashinzire ndwîrhe nagendagenda, eri igana na makumi asharhu. Eri myofi eri na buhanya. Erhacihika oku ya balarha amango bakazâg’igendagenda».

2 Bâm 4:19

Anacibwîra îshe erhi: «Namâfà n’irhwe, namâfà n’irhwe!» Îshe anacibwîra omwambali erhi: «Hekaye emunda nina ali».

Ayubu 10:20

N’ensiku z’akalamo kâni oku zakôfiha wâni! Ocinyîrekerage, mbè nkanarhûlirira.

Ayubu 15:14

Kurhi omuntu ankabà mwêru-kwêru, omwâna w’omukazi mpu naye abâge mushinganyanya?

Ayubu 25:4

Kurhigi omuntu ankabà mushinganyanya, embere za Nyamuzinda? Kurhigi ankabà mwêru-kwêru oburhwa n’omukazi?

Ayubu 25:5

Lolà omwêzi gônene, wanabona gutulwire, nazo enyenyêzi zirhaba nyêru-kwêru omu masù gâge.

Ayubu 5:7

Omuntu yêne olêrha obubî n’omutula, kula nyakadekere alongereza ecirêre c’emalunga.

Ayubu 7:1

K’akalamo k’omuntu hano igulu garhabà matabâro bulà? K’ensiku zâge arhali kwo ziyôrha nka murhabâzi mulimya?

Ayubu 7:6

Ensiku zâni zo mbidu kulusha entôzo, zànahirigisire buzira kucinnangaliza kantu.

Ayubu 8:9

Rhwêhe, injo rhwaciburhagwa, rhurhamanyiri bici, ensiku zîrhu bano igulu ko zirazûka nka cizûngu-zûngu.

Ayubu 9:25

Ensiku zâni zo mbidu aha mulibisi, zajà zantibamwo buzira kubona iragi.

Ennanga 39:5

Nti: «Yâgirwa mbwîra ngahi mpekire, nti mbwîra ensiku zâni ziri nyinganaci. nâni mmanye oku ndi ntâye.»

Ennanga 39:6

Ensiku zâni wazijizire za makoro abirhi, n’okulama kwâni kuli nka ntâkwo omu masù gâwe, ngasi muntu kwo anali nka mûka kwône.

Ennanga 51:5

Bulyâla ntababiri obubî bwâni, ngasi mango ecâha câni cindi omu masù.

Ennanga 89:47

Yâgirwa mâshi, kuhika mangaci? Kumanya onakolaga wayôrha ocîfulisire? K’oburhè bwâwe bunakolaga bwayâka nka muliro?

Muhanûzi 2:17

Akalamo ntakakwirirwa, bulyâla okubà hanôla igulu ntà kusîma; byoshi kuli kurhebwa, ganali mango gafire busha.

Muhanûzi 2:23

N’ensiku zâge z’amalibuko, n’okugendêrera akazâgigendêrera ebyâge, n’okurhanya akazâgilâla arhanya? Kurhebwa okwo hacu.

Yeremiya 20:18

Lêro cici carhumaga ntenga omu nda mpu ndibuke, ntindibuke nnanyûse ensiku zâni omu nshonyi?

Mateyo 11:11

“Okuli mmubwîre, omu babusirwe n’omukazi boshi, ntâye wabonekîne mukulu kulusha Yowane Mubatiza; ci kwône oli munyi kulusha abâbo omu Bwâmi bw’empingu ayish’imulusha obukulu”.