Ayubu 13:24 - BIBLIYA NTAGATIFU OMU MASHI

²⁴ Cirhumire onfulika obusù bwâwe? Cirhumire ondola nka mwânzi wâwe?

Ayubu 13:24 ပူးပေါင်းရင်းမြစ်များ

Ayubu 10:16

Erhi najiderha nti nyinamule irhwe, onampîve kula entale ehìva, erhi kandi oshubinkolera akal’ibala.

Ayubu 10:17

Nnanyumve oshubirintabâlira, oshub’intûlakwo omujina, engabo z’emicûkà zintêre burhahusa.

Ayubu 10:2

Nabwîra Nyamuzinda, nti: orhanyagirizagya Muhanyi, ombwîre nâni cici ntumwire.

Ayubu 16:9

Obukunizi bwâge bwanyîsire, bunshimbulwîre, adwîrhe aluma amîno erhi nie ntuma, omushombanyi wâni kuli nie adwîrhe agalambula amasù gâge.

Ayubu 19:11

Anayûsize kuli nie obukunizi bwâge, anakola anganjire omu bashombanyi bâge.

Ayubu 19:22

Bici munshimbulwîre kwo mweshi na Nyamuzinda? Ka murhaciyîgurha emyâmâ yâni?

Ayubu 30:21

Wàhindusire mwîsi kuli nie, okuboko kwâwe kudârhi kudwîrhe kwandibuza.

Ayubu 31:35

Yoo! Lêro ndi wankarhuma banyumva? Nadesire akanwa kâni kazinda: Nyamuzinda Ogala-byoshi anyagîrize! Olya onshìmbire aderhage ecitumulo c’amabî gâni.

Ayubu 33:10

Ci kwône kushobeka anshobesire, anakola ali andola nka mushombanyi wâge.

Ennanga 10:1

Yâgirwa Nnâmahanga, cirhumire wabêra kulî, cirhumire ocîfulika amango g’amalibuko?

Ennanga 13:1

Gwârhi omukulu w’abimbiza. Lulanga. Lwa Daudi.

Ennanga 44:24

Zûka, Nyakasane, cirhumire wahunga? Ozûke, omanye wankanarhukabulira ensiku n’amango!

Ennanga 44:25

Cankarhuma wafulika obusù bwâwe, onayibagira obulagîrire n’amalibuko gîrhu?

Ennanga 88:14

Yâgirwa niehe we ndwîrhe nayâkûza, nti omusengero gwâni gukuhikekwo sêzi-sêzi.

Izaya 8:17

Ncîkubagîre Nyakasane ofulisire bene Yakôbo obusù bwâge, ye na­ngalire.

Ndûlù 2:5

Nyakasane anacîjizire nka mushombanyi wîrhu, amirangusize Israheli oku caligumiza haguma n’enyumpa zâge nyinjinjà zoshi, ebyôgo byâge abihebire oku idaho, ajà alumîza oburhè hoshi hoshi omu lubaga lw’e Yûda.

Lushika 32:20

Aderha erhi: Nabafulika obusù bwâni, ndolage kurhi byababêra. Bulya lyabîre iburha ligalugalu, bâna barhagwêrhi oku bakacîkubagirwa.

2 Tesalonika 3:15

Kwônene mumanye mwankamulola nka mushombanyi, ci mumuhanûle kulyâla omuntu ahanûla mwene wâbo.

1 Samweli 28:16

Samweli amushuza, erhi: «Cankarhuma wandôsa n’obwo Nyamuzinda acîyegwîre kuli we, abà omu winyu mw’ajà.