13 Muhumbârhale, nie nkola naderha, oku byankabà bikubè!
Bulyâla akalamo kanshologosire, nkolaga naleka omulenge gudubuke, nkolaga naderha omutula gundi emurhima.
Emigani yinyu mukulûkulù, ebà mihigo y’omu katulo, n’okufûngira omuntu kwinyu, kunali nk’ibûmba lyâlangala.
Ndi wankarhang’imununika munahumbârhale, lyoki mwankabona ninyu oburhimanya!
Muleke ntang’iderha, na hano mbà namâderha, anayishig’ibà go mango musheka.
Co cirhumire ntakabula bwaderha, naganîra omu mungo gw’omûka gwâni, nnanshambâle omu burhè bw’omurhima gwâni.