Ayubu 12:10 - BIBLIYA NTAGATIFU OMU MASHI

¹⁰ Abà afùmbasire omu nfune zâge obuzîne bwa ngasi hiyîsa, n’omûka gwa ngasi muntu.

Ayubu 12:10 ပူးပေါင်းရင်းမြစ်များ

Murhondêro 2:7

Nyakasane Nyamuzinda abumba omuntu n’akatulo k’oku idaho, amubûhira omûka gw’obuzîne omu mazûlu, ntyo nyamutu ahinduka ciremwa cizîne.

Murhondêro 6:17

Nkolaga narhuma ecihonzi, kwo kuderha mîshi, en’igulu, ah’idako ly’amalunga, gashâbe ngasi ciremwa ciyîsa omûka; ebiri en’igulu biherêrekere.

Ayubu 27:3

Oku nanciyisa omûka, oku Omûka gwa Nyamuzinda gunacibà omu mazûlu gâni,

Ayubu 27:8

Bulya ngahi buligi obulangâlire bw’omuntu mugalugalu? Hano Nyamuzinda amuhenangula, hano amunyaga omûka gwâge?

Ayubu 33:4

Mûka gwa Nyamuzinda gwandemaga, Mûka gw’Ogala-byoshi gumpa akalamo.

Ennanga 104:29

Okafulika obusù bwâwe binakomakomye, okabinyaga omûka binafè bicîshubirire omw’idaho.

Ennanga 104:30

Okarhuma omûka gwâwe ebindi binalemwe; n’obusù bw’igulu onabuhindule buhyâhya.

Muhanûzi 9:1

Bulya nêci narhimanyize kuli ebyo byoshi, nayumva oku abashinganyanya n’abarhimanya n’emikolo yâbo omu nfune za Nyamuzinda babà. Oli obuzigire, oli enshômbo, ntà ciguma omuntu ayishi n’omu masù gâge, byombi biri birhebanyi.

Izaya 42:5

Kwo adesire ntyôla Nyamuzinda, Yâgirwa Nyakasane, owalemaga amalunga anagabungûla, owazibuhyagya igulu n’ebiburhwâmwo, owahâga abantu balibâmwo obuzîne anahà abaligerâmwo omûka:

Izaya 57:16

Bulya ntalonza nkaz’iyôrha najà kadali, erhi okukaz’iyôrha nkunîre ngasi mango, singa embere zâni omûka n’obuzîne nalemaga byanafananda.

Daniyeli 5:23

Ci kwônene walonzize okucîjira mukulu kulusha Nyamuzinda w’empingu, wahûna banakulêrhera orhubêhè rhw’omu ka-Nyamuzinda, nâwe n’abarhambo bâwe na bakâwe, n’ebiherula byâwe mwanyweriremwo idivayi, wanaharâmya banyamuzinda b’amarhale, ab’amasholo, ab’omulinga, ab’ecûma, ab’emirhi n’ab’amabuye, banyamuzinda barhabona, barhanayumva. Na Nyamuzinda ofumbasire omûka gwâwe, okulanga omu majira gâwe goshi orhamukuzagya.

Mibalè 16:22

Banacikumbira akamalanga, baderha mpu: «Mâshi yâgirwa Nyamuzinda, we Nyamuzinda wa ngasi mûka gwa muntu, muntu muguma oyûla wadwîrhe oku kubî, na bunôla mpu okolaga wakunirira olubaga loshi»

Yowane 3:6

“Eciburhwa n’omubiri guli mubiri, n’eciburhwa na Mûka guli mûka”.

Ebijiro 17:25

“Arhanakolerwa n’amaboko g’abantu, bulya ntâco alagîrîrekwo, kulya kubà ye shobôza boshi obuzîne n’omûka n’ebindi byoshi byoshi”.

Ebijiro 17:28

“bulya ye rhukulamwo obuzîne, n’okugenda n’okubâho, kulya baguma b’omu basâka-binwa bàdesire, mpu”: “Rhuli b’omu bûko bwâge”.