Ayubu 10:1 - BIBLIYA NTAGATIFU OMU MASHI

¹ Bulyâla akalamo kanshologosire, nkolaga naleka omulenge gudubuke, nkolaga naderha omutula gundi emurhima.

Ayubu 10:1 ပူးပေါင်းရင်းမြစ်များ

1 Bâm 19:4

Oku bwâge, alambagira Omw’irungu lugendo lwa lusiku luguma, buzinda abwârhala ah’idako ly’omurhi. Acîganya owafîre, aderha erhi: «Nyakasane arhali ene lirya wamajira wantamya! Orholage obuzîne bwâni, bulya ntâco ndushire balarha.»

Ayubu 14:13

Ndi wankabona ônfulika nâni omu kuzimu, ônambêzemwo kuhik’oburhè bwâwe butwîke, onantwîre amango wênene wâshub’inkengera!

Ayubu 19:4

Akabâga nieki nahabusire, okwôla kuhabuka kwâni nie kuyêrekîre.

Ayubu 5:20

Omu cizombo anakufumye olufù, n’omu ntambala akulîkûze oku bwôji bw’engôrho.

Ayubu 6:26

Ka binwa byâni mwagayaguza? Ebi bya nyakubula-bulangâlire biyehûkanwe n’empûsi?

Ayubu 7:11

Co cirhumire ntakabula bwaderha, naganîra omu mungo gw’omûka gwâni, nnanshambâle omu burhè bw’omurhima gwâni.

Ayubu 7:16

Nashangusire, ntayôrhe mpabà ensiku zoshi; ocinyîrekerage ensiku zâni guli mûka gwonene!

Ayubu 9:21

Ci kwône, ka ndi mwêru-kwêru? Ciru niene ntacimanyiri! N’oku ndamire kwanshologosire!

Izaya 38:15

Ci kurhigi naderha na bici namubwîra? Yêne wakolaga ebyo byoshi. Nâheka omutula omu murhima gwâni emyâka yoshi y’obuzîne bwâni.

Izaya 38:17

Alà oku amarhabi gâni gamâhinduka murhûla! We walanzire obuzîne bwâni bulêk’irhogera omu nyênga, erhi ojugucira ebyâha byâni byoshi enyuma z’omugongo gwâwe.

Yônà 4:3

Mâshi Yâgirwa, mpêka buno, yanka guno mûka, bulya olufù lwo lukulu aha kalamo emwâni buno».

Yônà 4:8

E­erhi izûba lishoshôka, Nyamuzinda azûsa empûsi yâyôca, lirya izûba lyabasha­ kwo Yônà, okuhandi ajogonokerwa. Kandi acîfinja olufù, aderha, erhi: «Aye! Okufà kwo kukulu aha kulama ntya».

Mibalè 11:15

“Ahâli h’okunjira ntyâla, nkusengîre onyîrhe erhi kwo, akabà obwîne ntonyire omu masù gâwe, n’akabà orhalonza mbone obuhanya!”»