Ayubu 1:15 - BIBLIYA NTAGATIFU OMU MASHI

¹⁵ “kano kânya, empala-magala z’e Seba zamâshagamuka, zamâshûkuza empanzi, bambali bâwe bwoshi, bamàba geza oku bôji bw’engôrho, niene nabafulumusiremwo, bo n’obu nyishire nti nkubwîre na nkumanyise eyo myanzi y’ibala n’empanya”».

Ayubu 1:15 ပူးပေါင်းရင်းမြစ်များ

Murhondêro 10:28

Obali, Abimayeli na Sheba.

Murhondêro 10:7

Bene Kushi bo: Seba, Havila, Sabata, Rama na Sabuteka. Bene Rama bo: Sheba na Dedani.

Murhondêro 25:3

Yokisani aburha Sheba, na Dedani. Nabo bene Dedani: Basurimi na Baletusimi na Baleumi.

Ayubu 1:14

entumwa yanaciyisha eri bwîra Ayubu, erhi: «Waliha, empanzi zâwe zabîre zigwârhirîre okuhinga n’endogomi nazo erhi zidwîrhe zakerera aha burhambi,

Ayubu 1:19

lêro empûsi ndârhi yamâpamuka olunda lw’irùngu, yamânacîhônda oku rhuhembe rhw’enyumpa, yamâhirimira oku bâna, barhahumirwe ekanwa. Niene dolodolo nafulumusire, bo n’obu ndi kubânda ezi mpanya».

Ayubu 6:19

Emizinzi y’e Tema ekazizikonolera amasù, n’emirhwe y’e Saba ezilangâlire.

Ennanga 72:10

Abâmi b’omu Tarsisi n’ab’omu birhwa bâmurhûla entûlo, abâmi b’e Saba n’ab’e Seba bamusholôlera.

Izaya 45:14

Kwo adesire ntyâla Nyakasane: «Emburho y’omukolo gw’abanya Mîsiri, obunguke bw’oburhunzi bwa bene-Kushi, n’obw’abantu bali-bali b’e Seba bâkulerherabyo, bibè byâwe. Bakuyîsha nyuma bali bashwêke, bacîrhimbe aha magulu gâwe, bakukunge», mpu: «Mâshi emwâwe yône ebà Nyamuzinda! Nanga, ntà wundi, ntà wundi nyamuzinda!»

Ezekiyeli 23:42

Eyôla munda bakaziyumva yo izù ly’abantu barhâcifufumukwa bici, ebwa kubà gwàli mwandu gwa bantu bàrhengaga omu irungu, bayambisize abakazi orhwishûgu omu maboko n’ecimanè cinjà-cinjà oku irhwe lyâbo.

Ezekiyeli 24:26

“Olwôla lusiku, owafulumusire âyisha emwâwe alimanyîsa omwanzi”.