Amosi 9:11 - BIBLIYA NTAGATIFU OMU MASHI

¹¹ «Mw’olwo lusiku, nazimbôla enyumpa y’omushambûkiza ya Daudi, nâfukâza emirhule, nârhenza ebigûkà.

Amosi 9:11 ပူးပေါင်းရင်းမြစ်များ

Ayubu 1:10

“Ka wamanya mpu orhamubaliraga bulà, wacîzongolosa n’oku ishwa lyâge? Wagisha emikolo yâge yoshi, n’amasò g’ebintu byâge gàyôlolosire omu cihugo”.

Ennanga 143:5

Namâkengêra ensiku zàli burhanzi, namâyibuka emikolo yâwe yoshi, namâsingiriza obushanja enfune zâwe zàkolaga.

Ennanga 80:12

Gwagandâza gwahuma oku nyanja, gwahika n’oku lwîshi.

Ennanga 89:40

wagayire eciragâne ca mwambali wâwe, n’ishungwè lyâge walihemula n’ebidaka

Izaya 16:5

Entebe y’obwâmi yâsimikira oku lukogo; n’omu cihando ca Daudi, omucîranuzi mwîkubagirwa w’okulongereza obushinganyanya n’e­ by’okuli, abwârhala kuli eyo ntebe.

Izaya 5:5

Niehe nkolaga nammubwîra kurhi najirira olukoma lwâni: «nalukûlakwo olugurhu, lusigale bwerûle, nashâba ecôgo câlwo, lulabarhwe n’abagera.

Izaya 58:12

Ebyàli bigûkà byânashub’ihinduka mûbako, wânashub’iyimanza emyûbako kurhenga oku iburha kujà oku lindi; bâkuyîrika elya Cûbaka ciyûbaka eyali ekola yalangala, elya Nyamuhambûla-njira zàli zikola zihambire, mpu lyo babona aha bayûbaka.

Izaya 63:11

Obwo bàkengêra ensiku za mîra, amango g’omurhumisi wâge Mûsa. Ngahi àjirage olya wabayôkolaga omu nyanja, olya lungere w’obusò bwâge? Ngahi aligi olya wabahiragamwo Omûka gwâge mwimâna?

Izaya 65:9

Olubaga lwa Yakôbo naluhà iburha, na muli Yûda nakulamwo owayîma omu ntondo zâni: abîshogwa bâni bazihâbwa n’abarhumisi bâni bazibêrakwo.

Yeremiya 18:9

Hali amango nderha nti lubaga lulebe erhi bwâmi bulebe buyûbake bunarhwêre,

Yeremiya 30:9

“Cikwône Israheli na Yûda bâkazikolera Nyakasane Nyamuzinda wâbo, na Daudi ye mwâmi wâbo nâyishibahà”.

Yeremiya 46:26

“Nabahâna omu maboko ga balya babalongeza olufù, omu maboko ga Nabukondonozori, mwâmi w’e Babiloni n’omu maboko g’engabo zâge. Cikwêne buzinda enyuma ly’aho Mîsiri âshubiyagaluka nk’omu nsiku za mîra, Kanwa ka Nyakasane”.

Ndûlù 5:21

Orhugalule emunda oli, Yâgirwa Nyakasane, lyo rhushubira okunali lwoshi emunda oli; akalamo kîrhu oshubikajira kahyâhya nka kulya kwa mîra.

Ezekiyeli 17:24

N’emirhi yoshi y’omu mashwa yamanya oku nie Nyamubâho, nie nfunyâza omurhi gulihûsire n’okulihya ogufunyîre, oyumya omurhi mubishi, anashubijira mubishi ogwali gukola mûmu. Niono Nyamubâho, nadesire ntyo, na ntyo kwo nânajira.

Ezekiyeli 36:11

Nâluza muli mwe abantu n’ensimba byaluga bibè mwandu; nâjira mushubiyûbakwamwo n’abantu nk’amango ga mîra, nâna­muha obuhirhi bulushire obu mwâli mugwêrhe aha murhondêro; ntyo mwanamanya oku nie na ndi Nyamubâho.

Hozeya 3:5

Buzinda bwenêne bashubigaluka emunda Nyakasane ali, bayêrekera emwa Nyamuzinda wâbo n’emw’obûko bwa Daudi mwâmi wâbo. Omu nsiku zâyisha balongereza n’obukenge obusù bwa Nyakasane n’ebinja Nyakasane abâna.

Abudiya 1:17

Ci kwône oku ntondo ya Siyoni kwayishibà abàfumire, hayishibà hanlu hatagatîfu, n’enyumpa ya Yakôbo yâyishinyaga abàyinyazire!

Mikeyo 5:2

Co carhuma Nyamuzinda âbaleka, kuhika amango g’okuburha kw’olya oli buburha; ago mango lyo omusigala gw’abalumuna gwâshubira kuli bene Israheli.

Mikeyo 7:11

Olusiku lw’okuyûbaka ebyôgo byâwe luyîruka! Olwo lusiku bâgalihya ishwa lyâwe.

Mikeyo 7:14

Mâshi Nyakasane, yâbula olubaga lwâwe n’akarhi kâwe, obusò bw’o­mwîmo gwâwe, bala balamire buhumba omu muzirhu; omu mashaka g’e Karmeli. Bashubikera nka kulya byàli mîra omu Bashani n’omu Galadi.

Mikeyo 7:8

Orhacishinge erhi nie ntuma, wâni mushombanyi wâni, akabà nahirimire, nâzûka; akabà ntamîre omu mwizimya, Nyakasane ye bulangashane bwâni.

Zakariya 12:7

Nyakasane arhabâla burhangiriza emilala ya Yûda, lyo obûko bwa Daudi n’abantu b’e Yeruzalemu barhakaz’icîkêbwa mpu bo balushire omusigala gw’olubaga lwa Yûda.

Zakariya 14:10

Ecihugo coshi cashub’icibêra lubanda kurhenga e Geba kuhika e Rimoni ya Negêbu, Yeruzalemu âjà asogoroka ayimange aha anali, kurhenga aha muhango gwa Benyamini kuhika aha muhango murhanzi, kwo kuderha aha lumvi lw’Amakoranè, kurhenga aha lumvi lwa Hananeli kuhika aha lukandiro lwa mwâmi,

Zakariya 6:12

“onamubwîre, erhi: Ntya kwo Nyakasane w’Emirhwe adesire: Hano hali omuntu izîno lyâge ye Muzî-Mumerêra, akalamo kâmera ngasi hoshi anagezire, ye wânashub’iyûbaka aka-Nyamuzinda kâni.

Mibalè 24:18

Ecihugo c’Edomu camagwârhwa busâsa, na Seyiri kwo n’okwo; Israheli amâlambûla obuhashe bwâge.