Amosi 8:14 - BIBLIYA NTAGATIFU OMU MASHI

¹⁴ Balya balahira Ashima w’e Samâriya, balya baderha, mpu: «Mbotumirha nyamuzinda wâwe, wâni Dani!» na mpu: «Mbotumirha Musîmwa wâwe, wâni Bersaba!» abo bakumba burhazûka.

Amosi 8:14 ပူးပေါင်းရင်းမြစ်များ

1 Bâm 12:32

Asinga olusiku lukulu omu mwêzi gwa munâni, omu nsiku ikumi n’irhanu z’ogwo mwêzi, kuguma n’olusiku lukulu lujirwa omu Yûda, anacisôkera oku luhêro agwîkaga aha Beteli mpu aj’ihêrera galya manina ajiraga. Ahôla Beteli, ayîmika abadâhwa ba mw’ezôla mpêro ayûbakaga.

1 Bâm 14:16

Abâna Israheli bunya mpira ntyôla erhi byâha bya Yerobwâmi birhuma n’okwôla ajirisagya Israheli ecâha kurhuma.

1 Bâm 16:24

Buzinda agulira Shemeri entondo ya Samâriya oku talenta ibirhi za magerha, ayûbakaho olugo, aluyîrika izîno lya Samâriya, kushimbana n’izîno lya Shemeri ye wali nn’entondo.

2 Bâm 10:29

Ci konene Yehu arhondêra okukâjira amabî gali nk’aga Yerobwâmi mwene Nebati owarhumaga Israheli ajira ecâha, aleka akanina k’amasholo aha Beteli n’aha Dani.

2 Nganîro 36:16

Ci bakazishekera ezôla ntumwa za Nyamuzinda, bagayaguza ebinwa byâbo, banakazishekera abalêbi bâge, kuhika obukunizi bwa Nyamuzinda bwalinda buyâka oku lubaga na ntà bufumu bwankacibukûzire.

Ennanga 140:10

Abandi eburhambi balengezize irhwe, mâshi mâshi obubî bw’ebinwa byâbo burhankarhang’ibafundêza mâshi.

Ennanga 36:12

Okugulu kw’omuntu mugayanyi irhondo kurhampikagakwo, n’okuboko kw’omunya-byâha irhondo kurhampumagakwo.

Migani 24:16

Bulyâla kali nda omushinganyanya akulumba anashubizûka, ba-nyankola-maligo bôhe kugwa bagwa omu buhanya.

Migani 29:1

Omuntu oyumva bamukalihira acîkenyegule, kukenyuka anakenyuka burhalûnga.

Izaya 24:20

lgulu lidwîrhe lyadândabagana nka mulalwè, lidwîrhe lyadundagana nka cifumba. Obubî bwâlyo buligogomize; likola lyahenanguka, lirhakacizûka.

Izaya 43:17

owarhumaga engâlè n’ebiterusi oku bîrha, omurhwe gw’abasirika haguma n’abalwî b’entwâli; bahenanguka burhazûka, bazimangana nka ngoke, baherêrekera.

Yeremiya 25:27

Obabwîre, erhi kw’adesire ntya Nyakasane Nyamuzinda w’Emirhwe, Nyamuzinda w’Israheli: «Munywe, mulaluke, mushale! Mwakumba burhazûka hano mubona engôrho narhuma ekarhî kinyu».

Yeremiya 51:64

“okubundi oderhe ebi binwa, erhi: Ntyo kwo Babiloni âyishihirigirha, arhakanacizûka omu buhanya Nyakasane amurhumîre. Amashanja gamâlibuka.”» Obwo bwo buzinda bw’ebinwa bya Yeremiyahu.

Hozeya 10:5

Bene Samâriya badwîrhe bageramwo omusisi oku kanina k’e Bet­ Avena; nêci, olubaga lwâko lwakajirire emishîbo. Obwo bakahêsire, karhacibaliko, bacîshingirageko, eryo irumbi mpu badâhwa! mîra bagûkiraga kulî nako.

Hozeya 13:2

Na buno kandi byâha balimwo, badwîrhe bàbumba ensalamu omu nsaranga zâbo, bo bazimu b’obukengêre bwâbo; mukolo gwa babumbi ebyo byoshi. Erhi bànaderha, mpu: «Mubarherekêre.» Abantu badwîrhe bàjikânunugurha orhunina.

Hozeya 4:15

Akabà oli mbaraga, wâni Israheli, Yûda yêhe amanyage obubî. Mu­rhajâga e Gilgali, murhasôkeraga e Bet-Avena, murhacigashaga, mpu: «mbotumirha Nyamuzinda».

Amosi 5:1

Muyumve eci cinwa ndesire kuli mwe, ca kulaka, wâni nyumpa ya Israheli:

Amosi 5:2

Ahirimire. arhanacizûke, mwâli w’Israheli! Atulamire oku idaho lyâge lyo na nênè, ntâye wamuzûsa.

Amosi 5:5

“Muleke Beteli, murhajâga e Gilgali murhagerega e Bersaba, bulya Gi­lgali àhêkwa bujà na Beteli ashandâla”.

Mikeyo 1:5

Bubî bwa Yakôbo burhumire ebyo byoshi byâbà, n’ebindi birhumire: mabî g’enyumpa y’Israheli. Obubî bwa Yakôbo bo buhi? K’arhali Samâriya? Ho ngahi aho marhwerhwè ga Yudeya? K’arhali Yeruzalemu?

Sofoniya 1:5

Nâsherêza ngasi bashonera oku burhungiri bw’enyumpa bajiharâmya omurhwe gw’enyenyêzi, bala baharâmya Nnâmahanga oku izîno lya Milkomu.

Ebijiro 18:25

Ali ayigîrizîbwe enjira ya Nyakasane, anakag’ihanûla n’okuyigîriza nk’oku bishingânîne ebiyêrekîre Yezu n’omurhima gw’obushiru, n’obwo bubatizo bwa Yowane bwône ali ayîshi.

Ebijiro 19:23

Mw’ago mango, hazûka embaka zirhali nyi ziyêrekire enjira ya Nyakasane.

Ebijiro 19:9

Ci baguma banacihûsa emirhima yâbo, balahira okuyêmêra, ciru banajâcira enjira ya Nyakasane embere z’olubaga. Anacibaleka obwo, ahamagala abemêzi hâbo hâbo, ngasi lusiku akazibaganîziza omu isomo lya Tirano.

Ebijiro 24:14

“Ci kwônene, oleke nkubwîre n’obwâlagale: nkolera Nyamuzinda wa balarha omu kushimba” “Enjira” bôhe bayiyîrika “bugomi”. “Ebi biyandisirwe omu irhegeko n’omu Balêbi, byoshi mbiyêmîre”,

Ebijiro 9:2

amuhûna amaruba g’okujà omu sinagogi z’e Damasi, mpu akabona abâli mw’eyo Njira, akabà balume, akabà bakazi, abalêrhe bashwêke e Yeruzalemu.

Lushika 33:11

Nyamuzinda, ogishe emisî yâge, onayêmêre omukolo gw’amaboko gâge. Oshangule ensiko z’abashombanyi bâge, n’ez’abanzi bâge kuhika barhibuke.

Lushika 9:21

Nayanka cirya câha cinyu mwâli mutuzire, kalya kanina, nakayanka nakayôca, nakavungunyula koshi nakajira muyonga nagukwêba omu mugezi gwahona oku ntondo.