Amosi 5:6 - BIBLIYA NTAGATIFU OMU MASHI

⁶ “Mulonze Nyakasane kandi, mwâlama. Akabà nanga, âcîhunika nka muliro oku nyumpa ya Yozefu, âyisingânola, na ntâye wâyizimiza e Beteli”.

Amosi 5:6 ပူးပေါင်းရင်းမြစ်များ

2 Samweli 19:20

«Mâshi Yâgirwa Nnâhamwîrhu orhacintumuzagya kubî kuci, orhacigererezagya kulya nakulogorheraga galya mango warhengaga omu Yeruzalemu, mwâmi mâshi omanye orhabikiraga ebyôla omu murhima gwâwe».

1 Bâm 11:28

Oyo Yerobwâmi abonekana ntwâli ya mulume. Erhi Salomoni acîbona oku oyu mwâna w’obusole adwîrhe amukolera bwinjà amujira murhambo w’abakozi boshi b’omu bûko bwa Yozefu.

2 Nganîro 34:25

“Kulya kubà banyâsire bagendikazirherekêra abandi ba nyamuzinda, na ntyo banjira burhè n’eyôla mikolo y’amaboko gâbo, obukunizi bwâni bwayâsire kuli ahôla hantu, na ntâko burhenge”.

Ennanga 27:8

Wêne omurhima gwâni gulikwo, amasù gâni wêne galonza, nti obusù bwâwe nâni mbulolekwo, Muciza.

Ennanga 69:33

Mwe banyinyi mukanye mubone, mwasîma munayumve oku omurhima gwinyu gwashagaluka, mwe mulonza Nnâmahanga.

Lubungo 22:6

Erhi omuntu ankagwasa n’okubîsa owâbo ensaranga kandi erhi birugu, bikanazimbirwa emw’olya nyakubîsibwa, erhi ecishambo cankabonekana, cinabihyûle kabirhi.

Izaya 1:31

Omuntu muzibu alembaguka nka bwâso n’omukolo gwâge gubè nka nkunyekunye: byombi byasingônokera haguma, na ntâye wâzimya omuliro.

Izaya 55:3

Murhege okurhwiri munayishe emunda ndi; muyumvîrhize lyo mubona akalamo! Nafundika endagâno y’ensiku n’amango haguma ninyu, yo mihigo erhakahingûlwa nalaganyagya Daudi.

Izaya 55:6

Mulongereze Nyakasane oku aciri aboneka, mumushenge oku aciri hôfi.

Yeremiya 38:20

Yeremiyahu amushuza, erhi: «Nanga, barhajire ntyo. Yumverheza izù lya Nyakasane lya­ mbwîraga ebi nkubwîzire: wayumva okola oyôsire bwinjà, orhanacibe kurhi.

Yeremiya 4:4

Mukembûlirwe Nyamuzinda, mukembûle omurhima gwinyu mwe bantu b’emwa Yûda n’ab’e Yeruzalemu, n’akabà nanga, omungo gwâni kwo gwayâka nka muliro, gwayôkera na ntâye wâguzimya, erhi bubî bw’ebijiro binyu burhuma.

Yeremiya 7:20

Kwo Nyakasane Nyamubâho adesirage ntya: Lâbi oku omutula gwâni, omungo gwâni, gukola gwacîrhulira ahâla, oku bantu n’oku bintu, oku mîshi g’omu mashwa n’oku malehe g’omu ishwa; gwayôca burhazima.

Ezekiyeli 21:3

Obwîre omuzirhu gwa Negêbu, erhi: Yumva akanwa ka Nyamubâho. Lolà oku nkola najikuzûkiza omuliro gwafonfomera ngasi murhi mubishi na ngasi murhi mûmu. Eri ngulumira erhâzima: na ngasi busù bwâbabuka nago kurhenga e Negêbu kujà olunda lw’emwênè.

Ezekiyeli 33:11

Ogend’ibà­bwîra oku: Ndahîre obuzîne bwâni! Kwo adesire Nyakasane Nyamubâho, erhi: Ntalonza nti omunyabyâha aherêrekere, ci nti omunyabyâha aleke enjira yâge mbî analame. Mugomôke, mugomôke, muleke enjira mbî! Cici carhuma walekifà, wâni mulala gwa bene Israheli?

Ezekiyeli 37:19

Ntya kwo adesire Nyakasane Nyamubâho erhi: Loli oku nâyanka akarhi ka Yozefu akali omu nfune za Efrayimu, na ntyo emilala ya bene Efrayimu n’eyindi ecilunzire haguma nayo nayilunga oku karhî ka Yûda, kabè karhî kaguma omu nfune zâni.

Amosi 3:14

“Olusiku nahana Israheli oku mabî gâge, nâshangula empêro z’e Beteli, amahembe g’oluhêrero gâhenguka, garhogere oku idaho”.

Amosi 5:14

Mulonze aminjà, muleke amabî, lyo mulama, na ntyo Nyakasane Nyamuzinda w’Emirhwe âbà haguma ninyu, kulya munaderha.

Amosi 5:4

Ntya kwo Nyakasane abwîzire enyuma y’Israheli: «Munnongereze, kandi mwalama.

Amosi 6:6

Mudwîrhe mwanywêsa amamvu omu bikombe, mwacîshiga amavurha mi­njà minjà, ci murhababîri n’okushâbûka kwa Yozefu.

Sofoniya 2:3

Mulongereze Nnâmahanga, mweshi, abîrhôhye b’igulu, mwe mushimba amarhegeko gâge, mulongereze obushinganyanya, mulongereze obwîrhôhye: kwankanabà mwanâyôkolwe mw’olwo lusiku lw’oburhè bwa Nnâmahanga.

Zakariya 10:6

Nâzibuhya olubaga lwa Yûda, nâlîkûza olubaga lw’Israheli. Nâbashubiza emwâbo nnambayêreke obuzigire bwâni, mbè nka kuno ntà mango nsag’ibakabulira. Niene Nyakasane Nyamuzinda wâbo nâyumvîrhiza omusengero gwâbo.

Lushika 32:22

Nêci, oburhè bwâni bwayâsire muliro, gwâyôca ciru n’ebiri idako ly’okuzimu, gwâyôca idaho guyôce n’emyâka, gurhasige olubando lw’entondo.

Lushika 4:24

bulya Nyamubâho, Nyamuzinda wâwe abà muliro ntakanjirwa, anabà Nyamuzinda wa luhali.

Yozwe 18:5

Bayishigaba eco cihugo muli bihimbi nda; Yûda ayôrha omu cihugo câge olunda lw’emukondwè, n’omulala gwa Yozefu nago gwanayôrha omu cihugo cago olunda lw’e­ mwênè.