Amosi 5:16 - BIBLIYA NTAGATIFU OMU MASHI

¹⁶ Co cirhumire Nyamuzinda adesire ntya, Nyakasane, Nyamuzinda w’Emi­rhwe, erhi: «Endûlù yâbà ngasi hantu, bâderha omu ngasi njira, mpu: Yooh, Yooh!. Bâhamagala omuhinzi oku mishîbo, n’abalasi oku ndûlù.

Amosi 5:16 ပူးပေါင်းရင်းမြစ်များ

2 Nganîro 35:25

Yeremiya ajira olwimbo lwa omulenge kuli Yoshiyahu; abimbiza b’abalume n’abakazi bàdesire ebiyêrekîre Yoshiyahu omu nyimbo z’okulaka kwâbo, kuhika ene; banakujira irhegeko omu Israheli. Na lolà oku ezôla nyimbo ziri nyandike omu Nyimbo z’Emirenge.

Izaya 15:8

Nêci, akahababo kâbo kalumîre hoshi omu cihugo ca Mowabu, endûlù zâbo zahisire cingana e Egalayimu, zayumvîkîne cingana e Beri­-Elimu.

Izaya 22:12

Nyakasane Nyamuzinda w’Emirhwe ali ammulalisire olwo lusiku mpu mulake munabande endûlù, mukungûlwe irhwe munayambale sunzu.

Yeremiya 30:5

«Kwo adesire ntya Nyakasane: Nayumvîrhe izù ly’oku bihamba, lya bihamba ci lirhali lya murhûla.

Yeremiya 4:31

Namâyumva omuniho guli nka gwa muzîre izîmi lyamâkoma, omulenge guli nka gwa muhya wayig’iburha, mwâli wa Siyoni odwîrhe alaka alengezize n’amaboko erhi: namâhera! namâfà n’empîmbo za balya bakaheza ngabo.

Yeremiya 9:10

Yeruzalemu namujira nsinga ya mabuye, bulumba bwa banyambwe ebishagala bya Yûda nabijira bigûkà birya birhabamwo ndi.

Yeremiya 9:16

Ee wee! Muhamagale abalasi baj’eno. Mulêrhe abalenga bayishe.

Hozeya 4:3

Na ntyo ecihugo ciri omu mishîbo, n’abantu bamwo boshi bahosire, ciru n’ensimba z’emuzirhu n’enyunyi z’oku nkuba, ciru n’enfî z’omu nyanja ziherêrekîre. Obulyâlya bw’abadâhwa

Yoweli 1:11

Mwe bahinzi mujâge omu mirhanyo; mubande endûlù mwe bakomâ b’ez’emizâbîbu: ntà ngano, ntà ntônyi ya murhobo gwa mizâbîbu, ntà ciru entônyi nguma y’amavurha mahyâhya.

Yoweli 1:14

Mwe bagula, mubwîre abantu boshi, murhegeke bacîshalise, bajire olusiku lukulu omu ka-Nyamuzinda winyu. Muyakûze Nyamuzinda.

Yoweli 1:15

Loli oku olusiku lwa Nnâmahanga luyîruka, luyishire nka cizombo, nka câhirà carhenga emwa Nyamuzinda-Ogala-byoshi.

Yoweli 1:8

Mubande endûlù ak’omuhya-kazi oli omu mishîbo alakira omulume ocishuba amurhôla dubaduba.

Amosi 3:13

«Muyumve munarhonde enyumpa ya Yakôbo, kwo Nyakasane Nyamuzi­nda w’Emirhwe adesire.

Amosi 5:27

“Bulya nkola nammululiza kurhaluka e Damasi, kwo Nyakasane Nyamuzinda w’Emirhwe adesire”».

Amosi 8:10

Ensiku nkulu zinyu nazihindula mishîbo, enyimbo zinyu zoshi ndûlù; ebibunu binyu byoshi nâbiyambika busunzu, n’amarhwe ginyu goshi ngahirekwo olubala. Nâjira eyo mishîbo ebè nka ya mwâna wa cûsha kuhika ebuzinda lwâbà lusiku lwa burhè.

Amosi 8:3

Abimbiza b’ebugale bâlaka olwo lusiku. - kwo Nyakasane adesire, - emi­rhumba yâbà minji bayikwêba hoshi hoshi. Muhulike!

Mikeyo 1:8

Niono Mikeyo, nâlaka nandakûle, nâgenda buzira nkwêrho emagulu erhi nandi bushugunu, buzira mwambalo. Nâlaka nka nyambwe, nyâme nka nyunda.

Mikeyo 2:4

“Olwo lusiku mwatwîrwakwo omugani. Mwayimbirwakwo enkumbu, bâyishikâderha mpu: Mwanyazirwe lwoshi lwoshi. Ebirugu by’olubaga lwa Nyakasane bikola omu maboko g’abandi. Israheli bamuhivire omu ishwa lyâge, lidwîrhe lyagabirwa abapagani”.

Mafulûlo 18:10

Oku baciyimanzire kuli erhi kuyôboha amababale gâge kurhuma, baderhe, mpu: «Camahera! Camahera cirya cishagala cinênênè! Nêci, wâni Babiloni, cishagala ciri-misî! Kàli olwâwe omu nsâ nguma lutwîrwe!»

Mafulûlo 18:19

Banaciyanka oluvù, bàcîheba oku irhwe, bàkâyakûza banali omu mulenge n’emishîbo, mpu: «Camahera! Camahera cirya cishagala cinênênè! Ngasi bajira amârho omu nyanja buhirhi bwâco bwabagazagya na nsâ nguma yône cibêriremwo mushaka!»