Amosi 2:15 - BIBLIYA NTAGATIFU OMU MASHI

¹⁵ Omulwi w’emiherho arhâbone nsimikiro, omulibisi mukulu ntaho âyâkira, na nn’eciterusi arhâcire.

Amosi 2:15 ပူးပေါင်းရင်းမြစ်များ

Muhanûzi 9:11

Nshubirisinza hanôla nshi: abalibisi bakulu, arhali bo bajà mashigwè g’okulibirha, n’abazibu-zibu arhali bo balwa. Ntà mugati abarhimanya bajira, na ntà bugale ab’obukengêre bajira n’abanya-bumanye ntà burhonyi bajira, bulyâla boshi banarhibukîrwe n’obuhanya.

Izaya 31:3

Omunya-Mîsiri ali muntu kwône, ci arhali nyamuzinda; ebiterusi byâge biri bya bunya-mubiri, ci birhali bya bunya-mûka. Hano Nyakasane abà nk’alambûla okuboko, omurhabâzi adungubeja, na nyakurhabâlwa âhenganuke: bombi na bombi bâherêrekera. Nyakasane ye muciza wa Yeruzalemu

Yeremiya 51:56

“Kaheza ayegera Babiloni akola âmukoza, entwâli zâge âzishwêka avune n’emiherho y’ebîrha. Bulya Nyakasane ye Nyamuzinda mwihôzi, ye ryûla nk’oku binashingânîne”.

Ezekiyeli 39:3

“Nâkuvuni­ra omuherho omu kuboko kumosho nkurhogeze n’emyampi ekulî omu kuboko kulyo”.

Amosi 9:1

Nanacibona Nyakasane ayîmanzire hôfi n’oluhêrero, aderha, erhi: Shûrha omunâra, oburhungiri burhoge; nkola nâbabeza amarhwe boshi, n’abankasigala, mbanige n’engôrho; ntâye ciru n’omuguma muli bo waderha mpu ayâka, ntâye ciru n’omuguma muli bo wâfuma,

Haggeyo 2:22

Nkola nâkûla entebe z’amâmi, nshâbe n’amahashe g’abâmi b’amashanja. Nâhirika e­ngalè n’abazigendakwo; ebiterusi n’ababishonakwo bânigwa, ngasi muguma âkumba omu ngôrho ya mwene wâbo.

Zakariya 10:5

Bâyish’ilwa ntyo, bulya niono Nyakasane ndi haguma nabo. N’abashombanyi bashonyire oku biterusi enshonyi zâyish’ibabumba.