Amosi 2:10 - BIBLIYA NTAGATIFU OMU MASHI

¹⁰ N’obwo nie namurhenzagya omu cihugo c’e Mîsiri, myâka makumi anni goshi omw’irungu, erhi nie mmushokolîre, nti muyîmike omu cihugo c'Abamoriti.

Amosi 2:10 ပူးပေါင်းရင်းမြစ်များ

Nehemiya 9:21

Myâka makumi anni goshi erhi wêne oshîbirira okubalanga omu irungu, barhanabuliragwa n’akantu ciru n’akaguma, emyambalo yâbo erhashosihalaga, n’amagulu gâbo garhahêmaga.

Ennanga 95:10

Myâka makumi anni yoshi erhi oburhè bw’eryôla iburha bungwêrhe, naderha obwo nti: «Omurhima gw’olu lubaga kuhabuka gunahabusire», nti: «Ciru barhishi enjira zâni oku zigenda.»

Lubungo 12:51

Mw’olwo lusiku lwonênè, Nyakasane àrhenza Bene-Israheli omu cihugo c’e Mîsiri, nk’oku emirhwe yâbo yanali.

Lubungo 20:2

Nie Nyakasane, Nyamuzinda wâwe, owakurhenzagya omu cihugo c’e Mîsiri, omu nyumpa y’obujà:

Lubungo 3:8

Co cirhumire nayandagala nti mbalikûze omu maboko g’Abanya-Mîsiri, mbarhenzemwo eci cihugo, mbaheke omu cihugo cinjà na cigali, omu cihugo cihululamwo amarhà n’obûci, omu cihugo cibâmwo Abakanani, Abahititi, Abamoriti, Abaperiziti, Abahiviti n’Abayebusi.

Yeremiya 2:6

“Ahâli h’okuderha mpu: ngahi ali Nyakasane warhurhenzagya omu cihugo ca Mîsiri, arhugeza omu irungu, Omu cihugo c’idaho lyûmu, liyunjwîre migâku, emunda ecanda n’empehema y’olufù bishundwa, emunda erhagerwa na muntu erya munda erhabà nyumpa?”

Ezekiyeli 20:10

Okubundi nanacibarhenza omu cihugo c’e Mîsiri, nabahêka omw’irungu.

Amosi 3:1

Yumvi aka kanwa Nyakasane ambwîzire, wâni bene Israheli, ninyu muli milala narhenzagya omu cihugo c’e Mîsiri.

Amosi 9:7

«Wâni bene Israheli, -kwo Nyakasane adesire, -ka mwe mulushirage Abanya-Etiyopiya? K’arhali nie narhenzagya Israheli omu cihugo c’e Mîsiri, nka kulya narhenzagya Abafilistini e Kaftori n'Abakaldeyi e Kiri?

Mikeyo 6:4

Bulya nakurhenzize omu cihugo c’e Mîsiri; nakucungwîre nakurhenza omu nyumpa y’obujà, embere zinyu narhumayo Mûsa, na Aroni na Miriyamu.

Mibalè 13:32

Barhondêra okushambâla kubî kubî oku biyêrekîre ecôla cihugo balijiriyênja, bakaziderha, mpu: «Ecihugo rhwalijiriyênja, ciri cihugo cirya bene co, abantu rhwabwîne muli ecôla cihugo bali bantu balî-balî.

Mibalè 21:25

Israheli anacinyaga ezo ngo zoshi. Ayûbaka omu ngo zoshi za bene Amoriti, Heseboni n’ez’abashizi bâge.

Mibalè 32:13

Lêro oburhè bwa Nyamubâho bwanaciyâka kuli bene Israheli, kwarhuma abaheka omw’irungu myâka makumi anni, kuhika lirya iburha lyajiriraga Nyamubâho amabî lihungumuke.

Ebijiro 13:18

“anajira myâka nka makumi anni erhi kubashîbirira abashîbirira omu irungu”.

Ebijiro 7:42

lêro Nyamuzinda anacibahindulira omugongo anabaleka mpu bakâharâmya emirhwe y’oku nkuba, nka kulya kuyandisirwe omu citabu c’abalêbi, mpu: Ka hali embâgwa mwambâgîre erhi enterekêro mwanterekerîre, bene-Israheli, mw’erya myâka makumi anni mwâli omu irungu?

Lushika 1:39

Cikwône abâna binyu barhò, balya mwaderhaga mpu bakolaga bajibà mpira, na bagala binyu, abâla barhacimanya ene ebinja n’ebibî, abôla bo bacîjamwo, bo nacihà bo nanaciyankira cibè câbo.

Lushika 2:7

Bulya Nyamubâho, Nyamuzinda wâwe, akugishire omu mikolo yâwe yoshi; ashimbûlira olugendo lwâwe muli olya nnakagali w’irungu. Lâba oku ekola myâka makumi anni enôla erhi na Nyamubâho, Nyamuzinda wâwe anali haguma nâwe: ntà kantu wabuzire».

Yozwe 13:4

Haciri ba-Hivi b’e mukondwè, ecihugo c’abanya-Kanâni coshi n’eca Meyara, cibà cihugo c’Abasidoni, kuhika ah’Apeki, kuhika oku cihugo c’Abanya-Moreni;

Yozwe 24:8

“Namuhêka omu cihugo c’abanya-Moreni, bàyûbakaga olundi lunda lwa Yordani, banacirhabâla, bakola babalwîsa. Nanacibahâna emunda muli; mwanyaga ecihugo câbo, boshi nanacibamalîra embere zinyu”.