1 Ntya kwo Nyakasane adesire: «Oku mabî asharhu ga Mowabu n’oku anni, nahizire burhashubira nyuma. Kulya kubà bàyôcire, basirîza orhuvuha rhwa mwâmi w’e Edomu.
Omwâmi w’Israheli, omwâmi w’e Yûda n’omwâmi w’e Edomu, balîkûla. Erhi bajira nsiku nda bajà barhandanya omw’irungu, amîshi gabulikana oku kunywêsa engabo n’ebintu byàli bibakulikire.
Ngasi hoshi amasù ga Nyakasane gali, gali ebulâbi bw’abinja n’ababî.
Barhibukirakwo Abafilistini olunda lw’ebuzikiro bw’izûba, haguma bagend’ihagula amashanja g’ebushoshôkero. Bâgwârha Edomu na Mowabu, na bene Amoni babashiga.
Rhwayumvîrhe emyanzi y’obucîbone bwa Mowabu, mpu arhahimwa kucîbona; rhwayumva emyanzi y’omuhimbo gwâge, n’obucîbone bwâge, n’omumino gwâge, n’ey’obucîtîme bwâge.
«“Okuboko kwa Nyakasane kwâdêkerera kw’eyi ntondo. Mowabu yêhe alabarhirwa ahanali, nka kula banalabarhira ebyâsi omu mwîna gw’ecamvu”.
Edomu, Mowabu na bene Amoni,
Ntya kwo Nyakasane adesire: «Oku mabî asharhu ga Edomu n’oku anni, nahizire burhashubira nyuma! Kulya kubà àhivulwîre mwene wâbo n’engôrho, buzira, lukogo, abîka n’omujina gurhahwa, n’obumvu ensiku zoshi.
Ntya kwo Nyakasane adesire: «Oku mabî asharhu ga bene Amoni n’oku anni, nahizire burhashubira nyuma. Kulya kubà bàbwâgwire enda z’abakazi bali mazîmi b’e Galadi, mpu lyo bagalihya ecihugo câbo.
Ntya kwo Nyakasane adesire: «Oku mabî asharhu ga Damasi n’oku anni, nahizire burhashubira nyuma! Kulya kubà bàtûntumire Galadi n’ebyûma bajà bakulula.
Ntya kwo Nyakasane adesire: «Oku mabî asharhu ga Gaza n’oku anni, nahizire burhashubira nyuma. Kuli kubà bàkundwire embaga zoshi, mpu bazihêke omu bujà e Edomu.
Ntya kwo Nyakasane adesire: «Oku mabî asharhu ga Tiri n’oku anni, nahizire burhashubira nyuma! Kulya kubà bàhânyire embaga z’e Edomu omu bajà, buzira kukengêra ecihango ca bene wâbo.
Ntya kwo Nyakasane adesire: «Oku mabî àsharhu ga Yûda n’oku anni, nahizire burhashubira nyuma. Kulya kubà bàkabulîre amarhegeko gâni barhanashimbaga ebinwa byâni, - kulya kubà bahabusire erhi bazimu bâbo bàrhuma, kulya bîshe bâbo nabo bàjiraga.
Ntya kwo Nyakasane adesire: «oku mabî asharhu g’Israheli n’oku anni, nahizire burhashubira nyuma. Kulya kubà bàguzize omushinganyanya nsaranga n’omukenyi kugulu kwa nkwêrho.
Ewe lubaga lwâni, kengêragi eyali mihigo ya Balaka, mwâmi w’e Mowabu, mukengêre n’oku Balaamu mwene Beori àmushuzize. Kengêra olugendo lwa Shitimu omu Gilgali, lyo omanya eby’obushinganyanya Nyakasane akola.