Amosi 1:2 - BIBLIYA NTAGATIFU OMU MASHI

² Anaciderha, erhi: «Nyamuzinda amakungulira e Siyoni, amâyumvîsa izîno lyâge kurhenga e Yeruzalemu, obulambo bw’abangere bukola omu mishîbo, obusongerwe bwa Karmeli bwamâyûma».

Amosi 1:2 ပူးပေါင်းရင်းမြစ်များ

Ennanga 29:4

Izù lya Nyakasane obuhashe lijira wâni! Izù lya Nyakasane lirhaluga wâni!

Ennanga 46:6

Nnâmahanga ali omu karhî k’olugo lwâge, lurhâhuligane, Nnâmahanga yêne aluhalira kurhenga sêzi lukula arhanda.

Migani 20:2

Okukaliha kwa mwâmi, kwo kuyôrha nka mululumo gwa ngoromora; omujira burhè anacîzûkize nyammanjà.

Izaya 33:9

Ecihugo ciri omu mishîbo, cidwîrhe cafananda; Libano enshonyi zàmubumbire, ayumûsire Saroni kwo akola acîbêra nk’irungu; Bashani na Karmeli barhacimerakwo hyâsi.

Izaya 35:2

Bwâmeramwo obwâso, busîme bunabande empundu. Bwahâbwa irenge lya Libano n’obwinjà bwa Karmeli n’obwa Saroni. Bâbona irenge lya Nyakasane n’obukuze bwa Nyamuzinda wîrhu.

Izaya 42:13

Nyakasane akomekîre nka ntwâli, ayish’arûkûza nka mulwî wa ntambala, ayish’abanda akahababo k’okukoza ebîrhà, ababisha bâge abakolera akal’ibala.

Yeremiya 12:4

(Kuhika mangaci ecihugo câbà ciri omu mishîbo), n’obwâsi buli ebulambo erhi buyûmire? Ebinyunyi n’ebintu byahwîre n’obubî bw’abantu. Bulya kwo bàdesire: mpu Nyamuzinda arhabona ebirhulimwo.

Yeremiya 14:2

Eca Yûda omu mishîbo ciri n’ebishagala byâge mutula birimwo oku idaho biri n’omulenge gwa Yeruzalemu enyanya gusokire gwalwîra.

Yeremiya 25:30

“Nâwe obabwîre ebi binwa byoshi oderhe erhi: Nyakasane amâyâmira emalunga, amâlengeza izù kurhenga ahatagatîfu hâge. Abandira olwâbuko lw’ebintu byâge akahababo, amabanda akahababo aka abakandira omu mukenzi, amakabandira ab’eno igulu boshi”.

Yeremiya 28:8

Abalêbi bàrhushokoleraga, w’oyo na nâni, kurhenga mîra bàdesire eby’obulêbi biyêrekîre bihugo binji na mâmi garhali manyi, byantambala n’amahanya n’ecahira:

Yeremiya 50:19

“Cikwône nashubilongolana Israheli omu lwâbuko lwâge. Akerera oku ntondo ya Karmeli n’omu Bashani; arhâbule kantu oku ntondo ya Efrayimu n’omu cihugo ca Galadi-Akera, ayigurhe, anagambwe”.

Hozeya 11:10

Abàlilulizîbwe bayishire bashimbire Nyakasane, naye àja àlumba nka ntale; nêci, àlumba, n’abâna bâge bayishe bashagamusire kurhenga ebuzikiro bw’izûba.

Hozeya 13:8

Nâcihunika liguma kuli bo nka mpunga onyazirwe abâna, nâbashenyula ensholo y’omurhima, aho nâbashayagula nka ntale nkazi; e­nsimba z’emuzirhu z’abatwa bihimbi.

Yoweli 1:19

Nnâmahanga, w’ono ndwîrhe nayâkûza, bulya ecihugo cahìre mabira, emirhi yoshi yasingônosire.

Yoweli 2:11

Izù lya Nnâmahanga lyâyumvikane, ashokolire engabo zâge, bulya abamulwira bali banji, bulya ajira obuhashe bunji n’oku adesire kwo kunabà; luli lukulu olusiku lwa Nyamuzinda, lwa kuyôbohya, na ndi wankamuja emalanga?

Amosi 9:3

bakacîfulika oku busongêrwe bwa Karmeli, nâgendibarhenzakwo, mbà­gwârhe, bakacîfulika omu ndalâlà y’enyanja, nnantegeke ihirahira lya­ mwo libalumiremwo:

Nahumu 1:4

Anarhalabanye enyanja, ayiganye, anaganye enyîshi zoshi. Bashani na Karmeli bayumvîrhe erhi okwo kurhuma, ehibala by’omu Libano hyagokomba!

1 Samweli 25:2

Aha Maoni habâga muntu muguma wakazâgirhimbûlira e Karmeli. Oyo muntu abâga mugale bwenêne, ali agwêrhe bibuzi bihumbi bisharhu na mpene cihumbi muli agôla mango erhi e Karmeli, alijirikembûlaa amôya g’ebibuzi byâge.