Abudiya 1:16 - BIBLIYA NTAGATIFU OMU MASHI

¹⁶ Nêci nka kulya wanywêrîre oku ntondo yâni ntagatîfu, amashanja goshi gânywa buzira kurhamûka: bânywa banayîgurhe, banayôrha nk’oku barhasagiyôrha bundi!

Abudiya 1:16 ပူးပေါင်းရင်းမြစ်များ

Izaya 42:14

Narhanzir’ihulika kurhenga mango garhali manyi, nacîhumbira, navumbika gwahalâla. Lêro nkolaga nayâma nka muzîre waling’iburha, ndi nk’oli obuhuba, nnandwîrhe nayahagira.

Yeremiya 49:12

Ntya kwo Nyakasane adesire: «Yumvi bwinjà: abà ntalirheganyize okunywa akabehe, bâkanywa. Nâwe, erhi ntâko nâbà, ntabè iga! Ntanzi la! Ako kabehe, wâkanywa bwinjà bwinjà!

Ndûlù 4:21

Osîmage onacîshinge, we munyere w’e Edomu, we yûbaka omu cihugo c’e Usi. Ci kwône nâwe akabehe k’omutula kâkuhikakwo, wâkanyweramwo onalaluke, kuhika oyambale obusha!

Habakuki 1:9

Boshi bayishîre obuhagwe; bamêsize amasù nka mpûsi y’ebushoshôkero bw’izûba, bayisha bashûkuza ebigorogo nka mushenyi gw’oku nyanja.

1 Petro 4:17

Bulya amango gahisire, n’olubanja lwârhangirira oku nyumpa ya Nyamuzinda. N’akabà rhwe lwârhangirirekwo, balya barhayêmêra Emyanzi y’Akale­mbè kurhi obuzinda bwâbo bwâbe wâni!