Abudiya 1:13 - BIBLIYA NTAGATIFU OMU MASHI

¹³ Orhayikiriraga omu lubaga lwâni olusiku obuhanya buli omu nyumpa zâbo. Amango okabona obuhanya bubayishire, orhacîshingaga?

Abudiya 1:13 ပူးပေါင်းရင်းမြစ်များ

2 Samweli 16:12

“Hali amango Nyamubâho naye akacibona okûla narhindibuka obone ama­ngalulira aminjà ahâli h’okûla kuhehêrerwa kw’ene.”»

Ayubu 31:29

Ka nasîmire bulya obuhanya bwamârhogera omushombanyi wâni? Ka nacîshinga bulya obuhanya bwamâmuhandira?

Ennanga 22:17

Orhubwa rhunzungulusire mwandu mwandu, omulongo gw’enkola-maligo guntêzire.

Yeremiya 46:21

Emirenge y’abalwî b’enkonola masù balishushire amanina gashushagîre: nabo bamâniôla enshando, bahwêrîre boshi oku mashaka, barhalinziri kahuku. Bulya olusiku lwâbo lwahisire, lusiku lwa kuherêrekera, mango ga kuhanwa.

Ezekiyeli 35:10

“Kulya kubà wadesire, erhi: Amashanja gombi n’ebihugo byombi byâbà byâni, ntyo rhubiyîmemwo, n’obwo Nyamubâho hwo anali hala!”

Ezekiyeli 35:5

“E­bwa kubà ôbà n’omungo gw’ensiku n’amango, kandi wanagend’iyîsa bene Israheli n’engôrho amango bâli omu malagîrire, amango bâli omu câha cibî bwenêne”,

Ezekiyeli 36:2

Ntyâla kwo adesire Nyakasane Nyamubâho, erhi: Ebwa kubà omushombanyi akuderhîre erhi: «Hee! hee! entondo za mîra zikola zibà kashambala kîrhu!»

Ezekiyeli 36:3

Okwôla kwârhuma wâderha ebîra binwa by’obulêbi, erhi: Ntya kwo adesire Nyakasane Nyamubâho: Ebwa kubà wahagwîrwe hoshi wanahindulwa katulo, kuhika wâbà kashambala k’agandi mashanja wanahivululwa n’endimi z’obulyâlya n’orhunwanwa rhw’abantu bengehusi,

Zakariya 1:15

“cikwône oburhè bunene bungwêrhe erhi mashanja g’obucîbone garhuma. Bulya amango oburhè bwâni bwaciri busungunu kuli Israheli, gohe gashangîra oku kumusherêza”.