2 Timoteyo 4:5 - BIBLIYA NTAGATIFU OMU MASHI

⁵ Ci wêhe obè murhondêza muli byoshi; olembere amalibuko; ojire omukolo gwâwe gw’omwigîriza w’Emyanzi y’Akalembe; obè mwimâna omu bujà-bugo bwâwe.

2 Timoteyo 4:5 ပူးပေါင်းရင်းမြစ်များ

Izaya 62:6

Oku nkûta zâwe, Yeruzalemu, nahizirekwo abalâlîzi; ôli mûshi ôli budufu, ntà mango bankabulika. Ewe! mwe mukaz’iyîbuka Nyakasane, murhagohekaga!

Yeremiya 6:17

Najîre aho nabahà abasholeza nti «muyumvîrhize omushekera» Ci bôhe mpu «rhurhaguyumvirhize».

Ezekiyeli 3:17

«Wâni mwene omuntu, nkujizire mulanzi w’enyumpa ya bene Israheli: mango okayumva oluderho lw’ekanwa kâni, onagend’ibarhonda oku nie nkurhumire.

Ezekiyeli 33:2

«Mwene omuntu, ogend’ibwîra bene olubaga lwâwe, erhi: Nka na­mâyomolera ecihugo engôrho, abantu b’ecôla cihugo banayanke muntu muguma muli bo mpu abè mulanzi;

Ezekiyeli 33:7

“Nâwe wâni, mwene omuntu, nakujizire mulanzi w’olubaga lwa bene Israheli: erhi okayumva oluderho lw’ekanwa kâni, wanababwîrizakwo oku izîno lyâni”.

Mateyo 25:16

Ho n’aho, olya wahâbagwa magerha mafundo arhanu, anacigend’igakolêsa, ayungukirakwo gandi arhanu.

Marko 13:34

Nka kulya omuntu wabalamaga: Aleka enyumpa, aha abambali obuhashe ngasi muguma omu mulimo gwâge, akomêreza omulanzi mpu abè masù.

Marko 13:37

N’okwo mmubwîzire, boshi nkubwîzire: mubè masù!»

Luka 12:37

“Iragi lyâbo abashi nnawâbo ashimâna bali masù hano ayisha! Okuli, mmubwîre, ayish’ikenyera, ababwârhaze aha cîbo câge, akabageramwo, abagabulire”.

Ebijiro 21:8

Erhi kuca; rhwahârhûla, rhwahika e Sezareya, rhwajà omu mwa Filipo, mujà-bugo w’Emyanzi y’Akalembe muguma wa mwo balya nda, rhwahanda aha mwâge.

Barom 15:19

oku buhashe bw’ebimanyîso n’ebisômerîne, n’oku buhashe bwa Mûka gwa Nyamuzinda. Ntyôla kwo nalumîzize Emyanzi y’Akalembe ya Kristu kurhenga e Yeruzalemu kuhika e Iliriya.

Befezi 4:11

Kandi ye washobôzagya: baguma okubà ntumwa, abandi okubà balêbi erhi bajà-bugo b’Emyanzi y’Akalembe, n’abandi okubà balungere erhi bayigîriza,

Befezi 4:12

akeresa ntyo abemêzi omu mukolo gw’oburhumisi, mpu lyo ayûbaka omubiri gwa Kristu,

Bakolosi 1:25

Nie ono nahindusire murhumisi w’eyo Ekleziya obujà-bugo Nyamuzinda ampâga muli mwe burhuma, mpu ndumîze Oluderho lwâge,

Bakolosi 4:17

Mumbwîrire Arkipo, erhi: «Mpu omanye obugo wahâbagwa muli Nyakasane, onacisêze okubuyunjuza».

1 Batesalonika 5:6

Kuziga rhurhajaga îrò ak’abandi, ci rhubè masù erhikwo, rhurhanabaga badâdà.

1 Timoteyo 4:12

Ntâye ogayaguzagye obusole bwâwe; ci obè lwîganyo oku bemêzi omu nderho, omu lugendo, omu buzigire, omu buyêmêre, n’omu bucêse bw’omurhima.

1 Timoteyo 4:15

Okwo okunanîrize omu murhima; ocîshwêkerekwo wêshi wêshi, lyo boshi babona oku odwîrhe wajà embere.

2 Timoteyo 1:8

Kuziga orhabâga nshonyi z’okuhamîriza Nyakasane, nîsi erhi nie ntuma, nie mubohe wâge. Ci oleke rhulibukire haguma rhwembi erhi Myanzi y’Akalembe erhuma; Nyamuzinda arhurhabâla n’obuhashe bw’emisî yâge;

2 Timoteyo 2:10

Okwo kwo kurhuma ndembera amalibuko goshi abîshogwa barhumire, nti lyo nabo babona obucire bubà muli Kristu Yezu haguma n’irenge ly’ensiku n’amango.

2 Timoteyo 2:3

Oyankirire ecâwe cigabi c’amababale nka musirika mwinjà wa Kristu Yezu.

2 Timoteyo 4:17

Ci kwônene Nyakasane yêhe ali anyimangîre, ananzibuhya, mpu lyo mmanyîsa obugo bwâge, lyo n’abapagani boshi babuyumva. Nanalîkûzîbwe omu kanwa k’entale.

Bahabraniya 13:17

Mukâyumva abakulu binyu munabakenge, bulya bo balanga emyûka yinyu, bànayish’iyidôsibwa. Kukwânîne bajire ogwo mukolo n’obushagaluke, ci arhali n’oburhè, bulya okwo kurhankammulêrhera bunguke.

1 Petro 1:13

Kuziga musêze omukaba omu bibunu by’enkengêro zinyu, mubè masù, munalangâlire bwenêne enshôkano mwayish’ishobôla olusiku Yezu Kristu acîyêrekana.

Mafulûlo 3:2

Zûka, okomeze obuzîne ocisigalîne bwàli bwamâfà; bulyâla omu masù ga Nyamuzinda wâni ebijiro byâwe ntabwîni oku biri bimâna!