2 Timoteyo 3:8 - BIBLIYA NTAGATIFU OMU MASHI

⁸ Na nka kulyâla Yane na Yambure balwîsagya Mûsa, kwo n’okwo, nabo badwîrhe balwîsa okuli, abo bantu b’emirhima ehûsire, eyo mihera omu by’obuyêmêre.

2 Timoteyo 3:8 ပူးပေါင်းရင်းမြစ်များ

Lubungo 7:11

Ci oku bwâge, Faraoni mwâmi w’e Mîsiri naye ahamagala abagula n’abashonga bâge, abakurungu b’e Mîsiri bajira nabo okwo n’amakurungu gâbo.

Lubungo 7:22

Ci abakurungu b’e Mîsiri nabo bajira ntyo n’amakurungu gâbo. Omurhima gwa Faraoni mwâmi w’e Mîsiri gwadundagula, arhayumvagya Mûsa na Aroni, nka kulya Nyakasane anaderhaga.

Lubungo 8:18

“Olwo lusiku najirira ecihugo ca Gosheni kundi kundi, era munda olubaga lwâni luyûbaka; eyo munda yône erhâbe mihusha, lyo omanya oku nie Nyakasane, mbà omu karhî k’ecihugo”.

Lubungo 8:7

ebikere byaciyegûla kuli we, oku nyumpa yâwe, kuli bambali bâwe n’oku lubaga lwâwe, birhasigale omurhali omu lwîshi mwône.»

Ebijiro 15:24

“Rhwayumvîrhe mpu bantu baguma b’eno mwîrhu badwîrhe bakaderha ebinwa by’okummuhiramwo akavulindi n’okumufudusa emirhima, n’obwo rhurhabarhumaga”.

Barom 1:28

Bulya barhalonzagya okumanya kwinjà Nnâmahanga, Nnâmahanga naye àbakabulîre omu murhima gwâbo guhûsire n’omu bijiro birhakwânîni.

Barom 16:18

Bulya abantu ba bene abo barhakolera Nnawîrhu Kristu; ci enda zâbo; kandi n’enderho zâbo nnunu-nnunu n’ez’obulimirizi, banarhebe emirhima y’abarhabâmwo bulyâlya.

Befezi 4:14

Ntyo lêro rhurhaciyôrhe nka bâna ba birhabà bayêhûlwa eyi n’eyi na ngasi mpûsi y’enyigîrizo zarhenga omu bunywesi bw’abantu n’omu bulyâlya bwâbo bw’okurhebana.

1 Timoteyo 1:19

onayôrhe ogwêrhe obuyêmêre n’omurhima nkana; bulya erhi babirîkirira, baguma bâlohama omu by’obuyêmêre.

1 Timoteyo 4:2

bârhebwa n’abanywesi balyâlya, bananisirwe ecûma c’omuliro omu murhima gwâbo.

1 Timoteyo 6:5

ennongwè zirhatwîkanuka z’abantu b’emirhima ehûsire, abarhishi okuli, balya balongeza obunguke omu kushîbirira ebya Nnâmahanga.

2 Timoteyo 4:15

Nâwe ocîlange kuli ye, bulya alwîsize bwenêne enyigîrizo zîrhu.

Tito 1:10

Nêci, abagomi n’abakaderha obusha, n’abakarheba abâbo bali banji, bwenêne omu bakembûle.

Tito 1:16

Banakâderha mpu bayishi Nnâmahanga, ci erhi banadwîrhe bamuhakana omu bijiro byâbo; abantu ba bene abo bali mihera, bagomi, na ntà kwinjà kuci bankacihash’ijira.

2 Petro 2:14

Amasù gâbo gayunjwîre bugonyi, na ntà mango amîru gâbo g’ecâha gayigurha; banagwârhire abantu barhazibuhiri omu mirhego yâbo, n’emirhima yâbo magene g’eby’en’igulu byône eyishi, bali mihera!

1 Yowane 2:18

Rhwâna rhawâni, gakola mango ga buzinda gano. Mwayumîrhe oku Antikristu âyisha; lêro abanzi ba Kristu bàyishire mwandu; n’eco co cimanyîso rhumanyirekwo oku gakola mango ga buzinda gano.

1 Yowane 4:1

Bîra bâni, murhakâg’iyêmêra ngasi mûka, ci mukarhangula eyo myûka, mulole erhi emwa Nyamuzinda yanarhenga, bulya abalêbi b’obwîhambe bàlumîre mwandu omu igulu.

Mafulûlo 2:20

«Ci kwônene nkugayire kulya kubà wayêmêrîre olya mukazi Yezebeli okâcîderha mulêbi-kazi’,'mpu arhebe bambali bâni anabayigîrize okuhusha n’okulya enyama zarherekîrwe abazimu».

Mafulûlo 2:6

Ci nkusîmira kulya kubà orhahimwa kushomba ebijiro by’abashimbûlizi ba Nikola, nâni ntanabikwirirwa».