2 Timoteyo 3:12 - BIBLIYA NTAGATIFU OMU MASHI

¹² Nêci, ngasi boshi balonza okulama bwinjà omu bukombêdu muli Kristu Yezu, bâbone amalibuko.

2 Timoteyo 3:12 ပူးပေါင်းရင်းမြစ်များ

Mateyo 16:24

Lêro Yezu anacibwîra abambali, erhi: «Owalonz’inshimba, acîlahire yênene, abarhule omusalaba gwâge, anshimbe.

Mateyo 23:34

Lêro mushub’ilola: nammurhumira abalêbi, abanya-bushinganya n’abigîriza; ci mwayirhemwo baguma munababambe oku musalaba, n’abandi mubashûrhire emikoba omu masinagogi ginyu, munabashimbûlule omu ngasi cishagala.

Marko 10:30

“abule kuhâbwa kali igana, buno, en’igulu: enyumpa, bene wâbo, bâli bâbo, bannina, abâna n’amashwa, haguma n’amalibuko, n’omu mango gaciyisha, akalamo karhahwa”.

Yowane 16:2

Baciyish’immuhulusa omu masinagogi, ciru amango gayiruka, ngasi owâmmuyîrhe amanye mpu kuli kukolera Nnâmahanga.

Yowane 16:33

Nammubwîzire ebyo nti lyo mubona omurhûla muli nie. Mwâbone amalumwa omu igulu. Ci muzibuhe! Nahimire igulu».

Yowane 17:14

Nabahîre akanwa kâwe, igulu lyabashomba, bulya barhali b’igulu, nk’oku nâni ntali w’igulu.

Ebijiro 14:22

Bakâzibuhya emirhima y’Abemêzi n’okubahà amahano mpu basêre omu buyêmêre, banakâbabwîra, mpu: «kukwânîne rhugere omu malibuko manji lyo rhuhika omu bwâmi bwa Nyamuzinda».

1 Bakorinti 15:19

N’akabà muli obûla buzîne bw’en’igulu mwône rhulangalîre Kristu, omu bantu boshi erhi rhwe rhunali bahanya kulusha.

2 Bakorinti 1:12

Irenge lîrhu bw’obûla buhamîrizi bw’omurhima gwîrhu guhamîriza oku mw’eri igulu, na bwenêne emunda muli, rhwayôsire omu butagatîfu n’omu kurhabêsha, n’okwôla rhwakuhâbagwa na Nyamuzinda. Rhwayôsire ntyo, arhali oku bwenge bw’omubiri, ci oku burhabâle bw’enshôkano ya Nnâmahanga.

2 Bakorinti 4:9

Barhurhindibuza, ci rhurhali balîkirire; barhukubire, ci rhurhahimirwi.

1 Timoteyo 2:2

abâmi n’abarhegesi boshi, lyo rhubona akalamo k’omurhûla buzira kavulindi, omu bukombêdu n’omu bugula.

1 Timoteyo 3:16

Nêci, ntâye wankakulahira, liri likulu ihwe rhugashâniza: Lyabonekîne omu mubiri, lyayêra muli Mûka Mutagatîfu, lyabonwa na bamalahika, lyamanyîsibwa omu mashanja, lyayêmêrwa omu igulu, lyahêkwa omu irenge.

1 Timoteyo 6:3

Owanayigîrize bindi-bindi, abule bucîshwêkera oku binwa nkana, byo binwa bya Nnawîrhu Yezu Kristu n’oku nyigîrizo zâge zilingânîne n’obukombêdu bwîrhu,

Tito 1:1

Paolo, mwambali wa Nnâmahanga, ntumwa ya Yezu Kristu, mpu lyo nyêreka abîshoge ba Nyamuzinda enjira y’obuyêmêre n’ey’obumanye bw’okuli bulêrha obukombêdu omu bya Nyamuzinda,

Tito 2:12

erhuyigîriza okujahika obubî n’amagene g’eby’en’igulu, lyo rhubà n’olugero muli byoshi, obushinganyanya n’obukombêdu omu bya Nnâmahanga muli aga mango rhuciri en’igulu,

Yozwe 17:14

Bene Yozefu banacibwîra Yozwè, mpu: «Carhumaga nieki ompa mwanya muguma gônene, cihimbi ciguma conene n’obwo ndi lubaga lunji, ebwa kubà Nyakasane angishire kuhika buno?»

1 Petro 3:14

Ci erhi mwankalibuzibwa erhi bushinganyanya burhuma, muli bany’iragi! Murhabayôbohaga ciru n’ehitya, murhanadirhimanaga,

2 Petro 3:11

Akabà ebi byoshi kujonga byanajonge, ka murhakwânîni okubà batagatîfu omu lugendo lwinyu lwoshi n’okukâyôrha mwagashâniza Nnâmahanga,

Mafulûlo 12:4

N’omucira gwâyo gwayisha gwabulula ecihimbi ca kasharhu c’enyenyêzi z’omu malunga, gwanazikwêba oku igulu. Erya nkuba-joka yayîmanga embere z’olya mukazi wali buburha, yalinga mpu hano abà amâburha emulye omwâna.

Mafulûlo 7:14

Nâni, nti: «Waliha, wêne omanyire». Anacimbwîra, erhi: «Abo bo ba­lya bazind’irhenga omu malibuko madârhi; bàshusire emyambalo yâbo ba­nayiyêruhiza omu mukò gw’Omwâna-buzi.