2 Timoteyo 3:11 - BIBLIYA NTAGATIFU OMU MASHI

¹¹ oku malibuko n’oku malumwa naboneraga e Antiyokiya, n’e Ikoniya n’e Listra. Malibuko maci ntabonaga wâni! Na muli goshi Nyakasane anyôkola!

2 Timoteyo 3:11 ပူးပေါင်းရင်းမြစ်များ

Murhondêro 48:16

Malahika wandîkûzagya muli ngasi mabî, agishe abà bâna. Izîno lyâni n’izîno lya balarha Abrahamu na Izaki libalamiremwo, baluge banayololoke hano igulu».

2 Samweli 22:1

Daudi erhi Nyamubâho abà amamulikuza oku banzi bâge boshi na kuli Saulu anaciyimba olwimbo.

2 Samweli 22:49

Y’orhuma nayongoloka abashombanyi bâni, yâgirwa we orhuma nafôkanana embere z’abanzi bâni, we ondîkûza oku muntu w’akavulindi.

Ennanga 34:19

Nyakasane arhabà kuli n’emirhima eri burhè, emirhima ecîyunjuzize yo acungula.

Ennanga 37:40

Nyakasane kurhabâla akaz’irhabâla abashinganyanya, kulikûza akaz’ibalîkûza oku babisha n’okubacinga kulibo, bulya bamuyâkireho.

Ennanga 91:14

Nâmulîkûza kulya kubà acinyishwêkîrekwo, namucinga kulya kubà amanyire izîno lyâni.

Izaya 41:10

Orhayôbohaga, bulya ndi haguma nâwe, orhabâga bihamba, bulya nie Nyamuzinda wâwe. Nakuzibuhize nanakurhabâla, nakugwâsa n’okulyo kw’obucîranuzi bwâni.

Izaya 41:14

Orhayôbohaga, wâni muvunyu gwa Yakôbo, wâni munyole gw’Israheli! Nie nâkurhabâla, Nyakasane okudesire; côkola wâwe, ye Mutagatîfu w’Israheli.

Izaya 43:2

Erhi wankalambagira omu mîshi, ndi haguma nâwe, enyîshi zirhankakuzîsa. Erhi wankâgera omu muliro, orhankahya, engulumira yâgo erhankakuyôca.

Yeremiya 1:19

Bâkulwîsa ci barhâkuhimè, bulya ndi haguma nâwe nti nkulîkûze, Nyakasane okudesire.

Daniyeli 6:27

“Mpânyire eri irhegeko nti: Omu bwâmi mwoshi bakazirhînya n’okukenga Nyamuzinda wa Daniyeli, ebwa kubà yêne ye Nyamuzinda ozîne, yêne ye onayôrha abâho ensiku zoshi; obwâmi bwâge burhakayûrha n’oburhegesi bwâge buli bw’ensiku n’amango”».

Ebijiro 13:14

Bôhe bahârhûla, bàrhaluka e Perga, bàhika e Antiyokiya omu Pizidiya. Erhi lubà lwa Sabato, bajà omu sinagogi, batamala.

Ebijiro 13:45

Erhi Abayahudi babona oyo nyamugege w’abantu, bâyâgalwa, barhondêra okulogorhera Nyamuzinda erhi bayumva ebinwa bya Paolo.

Ebijiro 14:8

E Listra yali omuntu ohozire amagulu; càli cirema kurhenga okuburhwa kwâge, arhànali asâg’igenda ciru n’eliguma.

Ebijiro 20:19

“Nakolîre Nyakasane omu bwîrhôhye n’omu mirenge n’omu malibuko gantengeraga omu mirhego y’Abayahudi”.

Ebijiro 23:10

Erhi abona akadali kajà kayûshûka, omukulu w’abasirika ayôboha mpu bahôya Paolo, arhegeka abasirika mpu bayish’imurhôla, bamushubiza omu lugerêro.

Ebijiro 26:17

Co cinarhumire nakulîkûza kuli olu lubaga n’oku mashanja g’abapagani nâkurhumamwo,

Ebijiro 26:22

Ci, oku burhabâle bwa Nyamuzinda, kuhika ene kuhamîriza ncihamîriza oku barhò n’abakulu, na ntà cindi nyigîriza okuleka birya byàdesirwe n’abalêbi na Mûsa mpu byânabè;

Ebijiro 9:16

Niene nacimuyêreka ebi alembera byoshi izîno lyâni lirhumire».

Barom 15:31

lyo nfuma ababula-buyêmêre b’e Yudeya, lyo n’entûlo nahêka e Yeruzalemu eyankirirwa kwinjà n’abatagatîfu.

2 Bakorinti 1:5

Nêci, kulyâla amababale ga Kristu garhulugîre kwo n’oburhûlirize burhulugîre erhi Kristu orhuma.

2 Bakorinti 1:7

N’obulangâlire bwîrhu muli mwe bwenêne bukomîre: rhumanyire oku obûla mushangîre malibuko maguma nîrhu, mukolaga mwayish’ishangîra n’okurhûlirizibwa haguma nîrhu.

2 Bakorinti 12:10

Okwôla kwo kurhuma nyumva nsîmire omu buzamba bwâni, omu bijâci, omu malibuko, omu kurhi­ ndibuzibwa n’omu burhè, erhi Kristu orhuma. Bulya amango ndi muzamba, lyo mbà muzibu!

2 Timoteyo 4:7

Nalwîre agâni, nahisize ensiku zâni, nalanzire obuyêmêre.

2 Petro 2:9

kuli kuderha oku Nyakasane agwêrhe obuhashe bw’okulîkûza abantu binjà omu malibuko, n’okuleka ababî mpu bayish’ihanwa olusiku lw’olubanja